ليه الإختلاف في الرأي بيعمق الفجوة بين البشر وبيبعد الناس عن بعض؟

منذ 2 اسابيع
May 3, 2021, 3:27 am

ليه الإختلاف في الرأي بيعمق الفجوة بين البشر وبيبعد الناس عن بعض؟

الناس في الغالب طيبة وبتميل للخير الأصلي، وشر الإنسان -في الغالب- هو خوفه وعدم أمانه ومش حبه للأذى
أكيد أنا بتكلم على الغالب مش الكل لأن فيه طبعا ناس بتحب الأذى والشر وأعداء لنفسهم قبل الآخرين. دول مش موضوعنا في القصة دي
الإنسان اللي خوفه وعدم ثقته بيدفعوه للهجوم والجعجعة بغباوة شديدة تمنع الحوار وتقفل منافذ التفاهم أو التواصل وبالتالي التوصل لمناطق إتفاق يبقى شبه مستحيل ويتعمق الخلاف
الإنفعال الشديد والغير مبرر منطقيا ده سببه ضغط وحصار لوقت طويل من ناحية وضعف شخصي وعدم تحقيق ذاتي من ناحية





الخوف والهجوم المستمر على إمكانياتنا وعدم تقدير العالم لوجودنا بيدفعنا للهجوم الشرس على أي أختلاف وفي أي إتجاه وبيقفل آفاقنا وقدراتنا على استيعاب أي إحتمالات أو مساحات للآخر
"يشبه مثلا واحد بيشتكي لصاحبه من زمايله في الشغل أو مديره ومنتظر منه يدعمه لكن صاحبه بحسن نيّة مثلا يقوله مايمكن المدير ميقصدش كده وبس يقصد كذا أو كذا فالشخص اللي بيشتكي يقوله: أنت معايا ولا معاه؟ وبعدين يقوله: أنت عمرك ما نصفتني!! وبعدين يقوله أنا عارف إن مليش أصحاب . نصيبي كده " ويبدأوا يبعدوا عن بعض بالتدريج
الموضوع كله في الخوف والإنفعال المتبادل، عدم القدرة على تنظيم المشاعر وتحكيم العقل وسماع الأفكار
مخزون من الإحباطات والضعف
صرخات "آه" كتير وهجوم كتير في كل مكان وفي كل ساحة تشبه صرخات آه في فيلم "النوم في العسل" الدالة عن "عجز" مش عن قوة!
يغلب علينا طابع الإنفعال والصوت العالي والتوتر السريع لإختلاف العرض أو الفكر أو إحتمالات الإساءة وده سبب عميق من أسباب عدم قدرتنا - كشرقيين- على الاستفادة من مساحات الرؤى المختلفة واللي بنرفضها قبل استيعابها فبنخسر إحتمالات مكاسبها وبنخسر أصحابها وبنكسب عمق جديد في إنغلاقنا وكبريائنا الزائف.

منقول





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play