أشرف عبدالباقي يكشف مفاجأة عن عمله مع ربيع وأوس أوس

منذ 2 شهر
July 20, 2021, 4:56 pm

أشرف عبدالباقي يكشف مفاجأة عن عمله مع ربيع وأوس أوس


قالوا لي ممكن ندفع من معانا






قال الفنان أشرف عبدالباقي، إنه لم يحقق أرباحا من عرض «مسرحية كلها غلط»، موضحًا: «يوم ما بوصل لـ إن اللي بيتصرف على قد اللي بييجي بيبقى حاجة كويسة، لكني عملت أكتر من حاجة كويسة وكسبت منها، وإلا مكنتش قدرت أعمل ده، كل حاجة بتاعة ربنا، وبشتغل بنية كويسة، وهي إنها ناس تشتغل».
وأضاف «عبدالباقي» خلال حواره عبر شاشة «TEN»، أنه لا يحب التنبؤ بمستقبل الفنانين الصاعدين، لأن الكثيرين منهم يخالفون التوقعات: «فيه ناس بنتخيلهم هينجحوا لكنهم منجحوش، وبالتالي بطلنا التنبؤ، حسابات الورقة والقلم بتفشل، لكن متأكد إن كل فريق مسرحية كلها غلط بيحبوا المسرح، لكن مقدرش أقدر أتنبأ بمين فيهم هيقدر يصرف على المسرح».
وتابع أشرف عبدالباقي، ان علي ربيع وأوس أوس عملا معه دون الحصول على أجر في فترة أزمة انتشار فيروس كورونا، حيث كانت المسارح مغلقة: «لما كلمتهم وكونت الفرقة مكوناش عارفين أولنا من آخرنا واتهرينا كحول، واتفقت معاهم إن لما يبقى في مكسب ياخدوا أجر ولو مفيش مش هياخدوا أجر، وافقوا وقعدوا فترة طويلة مياخدوش أجر حبا في المسرح، وإلى الآن شغالين معايا ومأخدوش أجر».
وأوضح الفنان أشرف عبدالباقي: «لما قلت لهم هنروح مسرح الساحل وافقوا، وقالوا إن شاء الله حتى لو جبنا تمن الإقامة، ولو مفيش هندفع من جيبنا، ولو طلبت من باقي شباب مسرح مصر التعاون معايا مكانوش هيتأخروا خالص».
وأكد، أن وزارة الثقافة لعبت دورا كبيرا في تذليل العقبات التي واجهت المسارح، موضحًا: «ساعات المفروض الروتين ياخد شهر عشان نعمل المسرحية، لكن التصاريح بتطلع في يوم من خلال الرقابة بعد حضور العرض، ولو قابلتني أي مشكلة قانونية ولجأت للوزيرة إيناس عبدالدايم بتساعدني تماما».

هذا الخبر منقول من : الوطن





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play