صابرين تثير الجدل باعترافاتها الجريئة عن الحجاب

منذ 4 شهر
July 31, 2021, 5:34 am
تابع عبر تطبيق google news google news google news

صابرين تثير الجدل باعترافاتها الجريئة عن الحجاب



صرحت الفنانة صابرين باعترافات كثيرة جريئة ومثيرة، حيث قالت: "إن تجربتها مع فيروس (كورونا) كانت صعبة، لأن بيتها تحوّل فجأة إلى مستشفى، حيث مرض أخوها ووالدتها وزوجها".


و أضافت صابرين" أخويا وجوزي تقريبا ماتوا وصحيوا تاني وساعتها متعبتش كنت بخدمهم، وانعزال كل شخص ده كان صعب جدا، وأول لما عرفت إني عندي كورونا بنت أخويا الصغيرة جت من الحضانة حاملة الفيروس، ونشرته عندنا، وبعدين أمها قالت أنت بتعملوا بطاطا أنا مش شامة حاجة، وكلنا عملنا المسحة بعدها كله جاله كورونا كنت قلقانة مين هيخدم العدد ده كله، وقلقت على ماما جدا وجالها كورونا واتعالجت مقولنلهاش وده كان بعد رحيل عدد كبير من الفنانين بسبب كورونا، وكل ده عشان نفسيتها لأن العلاج متوقف عليها"، وفق (لها).






وتحدثت صابرين عن فترة حجابها، فأكدت أنها كانت تعيش كل لحظة بصدق، وأن الشخص كلما كبُر في العمر يعيش لحظات أكثر نضوجاً، مشيرةً إلى أنها عندما ارتدت الحجاب كانت صادقة مع نفسها، خاصة أنها تحجّبت بعد نجاح مسلسل "كوكب الشرق" الذي أدّت فيه شخصية المطربة الراحلة أم كلثوم، ونالت عنه أوسمة كثيرة من دول مختلفة.
وأوضحت صابرين: "الحجاب كان في حالة انفصال في البيت ولخبطة، أهم حاجة الواحد يعمل اللي بيحبه بصدق، ولما قررت أفك الحجاب قولت أنا مش بعمل الصح أوي وليه ابقى بوشين ولا 3 وشوش، وليه مواربة باب الناس بتهاجمني عشان الباروكة، وأنا لما كنت بقعد مع نفسي كنت بقول أهو الباروكة أحسن ما أعمل حاجة تانية، بعدين قولت لنفسي أنا مكنتش بلبس حاجة والناس كانت بتشيد باحترام الأدوار، والناس ابتدت تعلق الشماعة ليا".


و تابعت" قولت يعني إيه لو كسبت العالم وخسرت نفسي، وحسيت إني حابة نفسي أكثر وفي تصالح والعلاقة مع ربنا بيني وبينه ومحدش بيسألني أنت صليتي ولا لأ وصومتي ولا لأ ومحدش بيعرف واجباتك في السر. دايما كنت بقول اللي هينزل معايا القبر يحاسبني، وكان في تعليقات ناس تقولي إحنا بنحبك في الله وبننصحك وأنا بحب ده وبحترمه وفي ناس بقى تخصص تهزيق وبهدلة، وكانوا لجان وبيكون باين مين بينصح بمحبة ومين بيشوط وخلاص".

و تحدثت صابرين عن حلا شيحة قائلةً:" موقف الفنانة حلا شيحة كان مريب وشوفتها لما اتنقبت وفكيت واتحجبت وجمعتني بيها مناسبة، بس آخر حاجة عملتها حسيت إن في حاجة غلط، وبعدين لما رجعت عملت مسلسل خيانة عهد، حلا ممكن تكون اتلخبطت ونسيت التمثيل، وكل واحد فينا بيجي عليه وقت بيتخبط بس اللي عملته أوفر شوية، وأكثر حاجة أزعجتني العلاقة بينها وبين باباها، أنا بالنسبة لي هي تعمل اللي عايزاه وحرة ودي حياتها ولا أجرؤ أعلق، بس اللي حصل مع أبوها ضايقني، بشوف إن الأب والأم استوب خط مش أحمر، ملتهب".



دنيا الوطن  





اشتراك في قناه جون المصرى | Youtube


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play