محمد فتحى يكتب ( المسيحى أساس المحبة )

3 شهر
October 6, 2021, 2:43 pm
تابع عبر تطبيق google news google news google news

( المسيحى أساس المحبة )

---- المسيحى أساس المحبة فى قلبه مبتنقصش حبة بالعكس دى بتكبر و بتكتر أصله من صغره عليها أتربى

المحبة جوة منه بحور قلبه تملى ماليه النور دايما بينه و بين الكره ألف حاجز و مليون سور

ركز فى وشه و فى الملامح هتلاحظ أنه بشوش مسامح نور المحبة اللى جواه شعاعها على وشه طافح





فى المحبة بيقدر يدى دروس متمكن فيها و قوووى بيدوس لو فتحت قلبه هتلاقى جذر المحبة جواه مغروس

المحبة جواه كتيرة و زايدة شموعها تملى و دايما قايدة مستحيل تختفى أو تنطفى

عارف الكراهية ملهاش فايدة بيوت الكره جواه مهدومة ماتت فيه و كمان معدومة حاول تسلم و تتكلم معاه هتاخد فالمحبة ألف معلومة

قلب المسيحى زى طفل برئ فى الكره تلاقيه ولا يعرف شئ فى بحر و موج و دوامات المحبة تلاقيه نايم قايم عايم فيها غريق قرب منه

و جرب كده تلاقيه كله محبة و رضا هيصونك مش هيخونك صوت المحبة جواه عالى النده لو أنت من المسيحى قريب هتعرف أن قلبه أبيض و طيب فى وقت جراحك و أحزانك هتلاقيه عمال يداوى و يطيب عارف ليه المحبة فى قلبه أصل اللى وصاه عليها ربه فى كل وقت و كل مكان المحبة سلاحه فى جانبه

كلمات محمد فتحى

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play