المطران الذى عمل اتفاق مع القديس مارجرجس ️على عجل فى اعتقالات سبتمبر1981

منذ 1 شهر
October 15, 2021, 6:44 pm
تابع عبر تطبيق google news google news google news

المطران الذى عمل اتفاق مع القديس مارجرجس ️على "عجل" فى اعتقالات سبتمبر1981اعتقال الانبا ويصا ، وسجنه .
اعتقال الانبا ويصا ، وسجنه .
المطران الذى عمل اتفاق مع القديس مارجرجس ️على "عجل" فى اعتقالات سبتمبر1981
بيقول :
يوم الجمعة 2 اكتوبر بتكلم مع الانبا بيمن اسقف ملوى المتنيح وقولتله هم الجماعة بتوعنا فين وهم ساكتين ليه
قالى بتقصد ايه
قولتله فين الراجل مار جرجس والانبا بيشوى والناس دى
قالى شوف مارجرجس مش بيشتغل ببلاش
قولتله نجيب له " عجل "
قالى طب حدد وقت
قولتله 15 يوم من النهاردة





كان مسموح لينا من 10 الى 20 دقيقة نخرج فيها من الزنازين نشم هوا
روحت خبطت على الزنازين وقولت خلاص يا ابهات اطمنوا عملنا اتفاق وهيحصل حاجة الكلام ده كان يوم الجمعة 2 اكتوبر 1981
لاقيت واحد من الزنزانة التانية كان ناظر مدرسة فى اسيوط اسمه الاستاذ فيليب لاقيته مكتئب جداااً وتعبان نفسياً ، لان زوجته واولاده مش عارفين مكانه قولتله مالك يا استاذ فيليب قاله اللى احنا فيه ده قولتله ماله اللى احنا فيه ده ربنا موجود متخفش من حاجة ربنا عنده حلول كتير ربنا ممكن ياخد الراجل ده ربنا عنده حلول كتير متقلقشى
جينا يوم الثلاثاء 6 اكتوبر الساعة واحدة ونص طلبوا من شخصياً قالى فيه زيارة ، طلع النائب بتاع البلينا كان اسمه حازم قعد معايا الراجل وكان جايب ليا طبق حلويات كبير فمشى وانا قولت للظابط اعمل بيه ايه كنا بنوزع الحلويات على الزنازين طبعاً معرفناش حاجة
يوم الاربعاء الصبح اتفتحت كل الزنازين وقالوا لينا انتقل الى رحمه الله رئيس الجمهورية
قولت يا بتاع ايه قولتلك اجيبلك عجل تجيبلى العجل الكبير. ورجعنا للزنازين
يوم الجمعة 16 اكتوبر اتفتحت كل الزنازين وقالوا لينا كل واحد يلم عزاله
شوفنا بعض وقعدنا مع بعض نقلونا من السجن الانفرادى الى عنابر وبعدها نقلونا من سجن المرج الى سجن وادى النطرون
ايد ربنا مكنتش بتسيبنا أبداً ومش ممكن يسيب ولاده فى اى مكان ولا اى لحظة من اللحظات مش ممكن يتخلى عننا
وقال الأنبا ويصا اسقف البلينا على هذه الايام : " لقد خرجنا بقوة أعظم بعد إحتمال الظلم بصبر وتحول السجن إلى دير تقام فيه الصلوات تلو الصلوات وتهللت نفوسنا وأضاءت حياتنا "
حقاً قال الكتاب المقدس
"كل الة صورت ضدك لا تنجح "
منقول





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play