أبنة خيرت الشاطر تعلن مفاجآت عن صفحات العائلة والهدف والتنسيقية

2 شهر
November 16, 2021, 9:02 pm
تابع عبر تطبيق google news google news google news

أبنة خيرت الشاطر تعلن مفاجآت عن صفحات العائلة والهدف والتنسيقية

يستكمل موقع صدى البلد نشر نص إعترافات عائشة خيرت الشاطر، نجلة القيادي خيرت الشاطر نائب مرشد جماعة الإخوان، في القضية رقم 1 لسنة 2021 جنايات أمن الدولة طوارئ مدينة نصر ثان، والمقيدة برقم 703 لسنة 2021 كلي القاهرة الجديدة، وبرقم 1552 لسنة 2018 حصر أمن الدولة العليا.

وأدلت المتهمة عائشة محمد خيرت سعد الشاطر، مواليد 18 ديسمبر 1980، ربة منزل، بإعترافات تفصيلية أمام جهات التحقيقات، وينشر موقع صدى البلد في الجزء الرابع من الإعترافات، تفاصيل جروب العائلة وجروب الهدف وصفحة التنسيقية المصرية التي شاركت فيهم.





وقالت المتهمة عائشة خيرت الشاطر، في إعترافاتها أمام جهات التحقيق، جوه جروب العائلة على الفيسبوك كان في خلاف بين أحمد عبدالباسط وأسامة إبراهيم، لأن عبدالباسط كان بيشتم قيادات الاخوان في الخارج وكل القيادات اللي برا زي إبراهيم منير ومحمود عزت، وكانوا كل بوست في خناقة كانوا بيعملولي منشن، ويقولو بما إنك بنت خيرت الشاطر إيه رأيك في الكلام وانا مكنتش برد عليهم ولو رديت كنت بقول انا ماليش دعوة بالموضوع ده.

وتابعت عائشة خيرت الشاطر في اعترافاتها، بعدها إبراهيم خرج من جروب العائلة وأنشأ جروب تاني اسمه الهدف ودخلني فيه، وكان بيلم بيه تبرعات لأسر المحبوسين عن طريق أنه يكتب بوست، وكنت بشوف في التعليقات ناس كتير ببتبرع لكن انا معرفتش كان بيلم الفلوس إزاي ولا حتى بيوديها فين وانا مكنتش بشارك في الجروب ده نهائي، والمرة الوحيدة اللي شوفته كان بعد 30 يونيو لما كنت بزور ناس مصابة في مستشفي على طريق أكتوبر.

وأضافت عائشة خيرت الشاطر: أنا كان ليا صديقة للعائلة من زمان اسمها هدى عبدالمنعم محامية وهي بعد أحداث 30 يونيو بشهور قالتلي أن في مؤسسة أسمها التنسيقية هي كانت عضوة فيها وقالتلي أنها مؤسسة بتدافع عن المحبوسين عن طريق نشر أحوالهم في السجون، والكلام ده على صفحة اسمها التنسيقية المصرية للحقوق، وعتني للإشتراك، وبعدين روحت مقر المؤسسة في شقة كبيرة في شارع فيصل، وكان فيها أعضاء كتير من بينهم محمد أبو هريرة زوجي الثاني تزوجته عام 2017 .

هذا الخبر منقول من : صدى البلد

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play