يوسف الحسينى فهمها وكشف المستور و اصحاب المصلحه فى لعبة فيديو زكريا بطرس

6 شهر
November 17, 2021, 10:18 pm

تابع عبر تطبيق google news google news google news

يوسف الحسينى فهمها وكشف المستور و اصحاب المصلحه فى لعبة فيديو زكريا بطرس وعدت على عمرو اديب

كتبت لورينا اديب لموقع صوت المسيحى الحر

منذ ايام قامت الدنيا فى مصر و اشتعل فيها نار بسبب انتشار فيديو قديم لزكريا بطرس على مواقع التواصل الاجتماعى

و انتشر غضب عارم بين المسلمين ضد المسيحيين بسبب اساءات زكريا بطرس للدين الاسلامى و رموز الاسلام

و انفعل الاعلامى عمرو اديب بشده على زكريا بطرس و احتد رغم انه اعلامى كبير و لديه حنكه و يعرف خبايا ما ينشر

و لكنه غضب و ثار بدون تفكير

اذا كان عمرو اديب احتد غضبه فما بالك المواطن العادى يغار و يثار لدينه من غير تفكير من حقه كل ما حوله يسوقه للغضب العارم

و لكن الاعلامى يوسف الحسينى تعامل بحكمه حتى لا تزيد النار اشتعال و فهم ما يحدث

و نشر فيديو شرح فيه ما يتم فى الاجواء و قال بصوا القصة بتاعت زكريا بطرس ان فيديو ينتشر بعد نشره ب 11 سنه

لازم تحطوا علامه جوه دايرة كبيره و تسال نفسك هو ايه الى يطلع فيديو قديم بقاله 11 سنه و زكريا بطرس متطرف

و لازم كلنا نحط فى بالنا ان التطرف موجود فى كل الاديان احنا كمسلمين عندنا متطرفين و ليهم فكر و افعال تسئ للغير

زى الاخوان المسلمين و داعش و بيت المقدس و جماعه الجهاد و التكفير و الهجرة و كتير من الجماعات الارهابيه المتطرفه

و عند اليهود فيه متطرفين نشروا فكر متطرف و قاموا بعمليات اغتيال

و كمان الى اغتالوا انديرا غاندى كانوا اتنين من الحرس بتوعها متطرفين و قتله

و ان يظهر حد زى زكريا بطرس الى مطرود من الكنيسه بقاله 18 سنه بسبب طبيعته و طريقته فى الاساءه

التطرف خطا و خطيئه كبيرة محدش يقدر ينكرها لانه اشاعه للكراهيه و هو تهديد دائما للسلم الاجتماعى و السلم العام و استقرار البلاد اى كانت البلد فزكريا بطرس طبعا متطرف

السؤال هنا انا و انت و كلنا شايفين انه متطرف ولا هنشغل دماغنا فى الحته التانيه و نقلبها فتنه و نلوم على المسيحيين و انهم السبب

الموضوع ملوش علاقه بالمسيحيين الموضوع ليه علاقه بزكريا بطرس بنفسه

زى ما احنا المسلمين لما يحصل حادث ارهابى تفجيرى او اغتيال او فكر يسئ للمسيحية او تكفير بنقول الموضوع ملوش دعوه بالاسلام

ده الجماعه الفلانيه هى الى عملت كده او الشيخ فلان هو الى كفر الاسلام و المسلمين بعدين كل البعد عنهم

فكر الاخوان لما ينتشر بقول السبب حسن البنا و هكذا

مش بقول ان الديانه متطرفه كل الناس متطرفه هو شخص بس الى متطرف و بقول تانى فكر فى الفيديو الى اتنشر اول مره فى 2010م

ان يعاد نشره و ترويجه بعد 11 سنه و الدفع بيه علشان يطلع ترند ليه ؟ و مين الوحيد الى ليه مصلحه ؟

انسى قصة زكريا بطرس ثق انه هيتم التعامل معاه قانونيا و القانون هياخد مجراه و تم ابلاغ النائب العام من اكثر من جهه و شخص

نرجع للاساس مين صاحب المصلحة الى شايف ان فيه استقرار فى مصر و هدوء و الاقتصاد مستقر فى حين فى كساد عالمى

و مصر فيها نمو اقتصادى و بتعلى مش بسرعه بسبب ان العالم كله بيدفع فاتوره كورونا الى وقعت اقتصاد العالم

و اسعار الطاقه فى العالم ارتفعت و المنتجات و دى فتره و هتعدى و رغم كده مصر بتطلع لاقدام و السياحه انتعشت

و الصناعه انتعشت و رجعنا نصدر لدول خارجيه و الوضع السياسى مستقر و اصبح لافت للنظر

مصر حاليا بتشتغل فى كام ملف ليبيا و اثيوبيا و فلسطين وسوريا و العراق و غيرها

كل من يرى ذلك و لم يريده على الاطلاق يريد العكس هو ده صاحب المصلحه و شجع على ترويج و نشر

فيديو زكريا بطرس .

المصريين اذكياء شعب ذكى احنا اكبر بلد بنصدر عقول و كوادر و ده من احصائيات عالميه

عملنا حضاره بقالها 8000 سنه و رجعنا تانى نعمل نهضة و حضارة و نحارب التطرف على المستوى الامنى و الاقتصادى

بعض الدول الافريقيه و العربيه حاليا عاوزين التجربه المصريه و ازاى مصر وقفت على رجلها بعد كل ما حدث

الى بقى مش عاجبه كل ده هو صاحب المصلحة فى نشر الفتنه و اشعال البلد بفيديو قديم لزكريا بطرس يروجه و ينشره و يبقى ترند

و يلا خالى الناس تدب فى بعض و البلد تولع زى احداث الزاوية الحمراء و اكتر

المصريين اذكياء و محدش هيقدر عليهم

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play