محمد فتحى يكتب دى الحاجات اللى أنت متعرفهاش عن المسيحى

2 شهر
November 23, 2021, 11:14 am
تابع عبر تطبيق google news google news google news

محمد فتحى يكتب دى الحاجات اللى أنت متعرفهاش عن المسيحى

كتب / محمد فتحى

و لنفترض أن المثل بيقول تعرف المسيحى أيوة عاشرته لأ يبقى متعرفوش

فعلا كلام مظبوط لأن فيه فرق كبير بين المعرفة و العشرة و المعاملة و الأقتراب .

أيه بقى اللى حضرتك متعرفوش عن أخوك المسيحى هقولك أنا و بكل حق و صدق و عن تجربة و ربنا عالم باللى هقوله .

اللى متعرفهوش عن المسيحى :

لما يكون بيسمع أغانى و فجأة يصدف توقيت الأذان عارف بيعمل أيه إما بيوقف الأغنية إما بيسمع على أقل من قده

ده مش كده و بس كمان

ده لما بيكون فيه فيلم أو مسلسل شغال و جه فاصل لقيام الأذان مش بيقفل القناة ولا بيقلب على قناة تانية بيفضل مستنى لحد ما الأذان يخلص .

اللى متعرفهوش عن المسيحى :





كمان فى شهر رمضان الكريم بيفضل مراعى مشاعرنا فى الصيام بيكون حريص جدا فى معاملته معانا أو بمعنى أصح كأنه صايم معانا

طول فترة الصيام تلاقيه لا بياكل ولا بيشرب ولا بيدخن ولا بيمسع أغانى و كمان بياكل كنافة و قطايف و بيشترى الياميش و بيدفع معانا فى تمن الزينة و بيعلقها معانا .

اللى متعرفهوش عن المسيحى :

لو صادفت معاه و مثلا لقى ورقة فيها أية قرأنية أو أمساكية رمضان مرمية فى الأرض إما بيشيلها على جانب إما بياخدها و بيديها لصاحبه أو جاره المسلم مش بيسيبها للناس تدوس عليها و يكبر و ينفض .

اللى متعرفهوش عن المسيحى :

لما بيكون راكب ميكروباص أو أتوبيس مزحوم و الناس واقفة فوق بعضها و هو قاعد على الكرسى لو لقى سيدة أو بنت مسلمة واقفة بيروح واقف بسرعة و يقعدها مكانه و يقف هو مكانها مبيقولش أنا مالى أو ماليش دعوة أو خليها واقفة .

اللى متعرفهوش عن المسيحى :

لما بتكون فى محنة أو زنقة أو شدة أو ضيقة أو مرض أنسى أنه يسيبك أبدا

ده بيفضل معاك شايل همك بيحزن لحزنك بيتألم لوجعك بيعمل أكتر من اللى بيقدر عليه حتى كمان لما بتعدى من الظروف اللى أنت فيها مش بيسكت ده بيفضل متابع معاك بعدها .

اللى متعرفهوش عن المسيحى :

أنه متربى على المحبة و السلام و حب الخير للغير و متعود على التسامح و التصالح و العطاء و الرحمة و حاجات كتير لو كتبتها سطورى مش هتكفى .

#محمد_فتحى

#أنشروا_المحبة

#شارك البوست على الصفحات و الجروبات و أظهروا الأيجابيات و أعملوا متابعة للصفحة ، حتى يصلكم كل جديد .

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play