دكتور محمد علام يجيب .. هل التحور الجديد Nu موجود فى مصر ؟!

1 شهر
November 26, 2021, 10:09 pm
تابع عبر تطبيق google news google news google news

دكتور محمد علام يجيب هل التحور الجديد Nu موجود فى مصر ؟!

Mohamed Allam

‏٢‏ س

التحور الجديد Nu هل موجود فى مصر ؟؟!!





فى تصريح منذ ساعات لوزير الصحه فى بلجيكا عن اول حاله مصابه بالتحور الجديد فى اوروبا وقال ان الحاله غير حاصله على اللقاح.

وفى تغريده ل دكتور مارك فان رانست وهو يعمل فى معهد ريجا للأبحاث الطبيه قال ان الحاله عادت من مصر يوم ١١ نوفمبر وبدايه ظهور الاعراض يوم ٢٢ نوفمبر يعنى الاعراض ظهرت بعد ١١ يوم من عودته .

النقطه دى فيها كلام كتير جدا لان فتره الحضانه كبيره اه فى حالات ظهرت الاعراض بعد ١٤ يوم لكن فى الغالب الاعراض بتظهر فى الاسبوع الاول فهل الاصابه كانت فى مصر ولا فى بلجيكا ننتظر تفاصيل اكتر خصوصا ان وزير الصحه البلجيكى مذكرش اسم مصر فى تصريحه.

نقطتين مهمين جدا وهما انه متقالش امتا اتسحبت المسحه بالظبط هل اول وصوله ولا بعدها بايام والثانيه انه اعلن ان فى حالتين مشتبه بانهم مصابين بالتحور الجديد لسه بيتعمل ليها تسلسل جينى فى نفس المختبر فهل قادمين من مصر ولا لا !! اجابه الاسئله دى هتحدد هل الاصابه حصلت فى مصر ولا لا.

ننتظر فتح تحقيق فى مصر وتتبع مسار المسافر بدقه والتواصل مع المسئولين فى بلجيكا لمعرفه هل فى حالات فعلا فى مصر ام لا للتصدى مبكرا للتحور الجديد.

نقلا عن الفيسبوك

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play