والد مارينا مجدي المختفية يوجه لها رسالة تبكي القلب اتكسرت من بعدك عني

5 شهر
December 12, 2021, 11:50 pm
تابع عبر تطبيق google news google news google news

والد مارينا مجدي المختفية يوجه لها رسالة تبكي القلب اتكسرت من بعدك عني

بنتي الغالية مارينا

امبارح صحيت من النوم مخضوض خايف مش عارف ليه قومت بسرعة جريت علي الاوضة بتاعتك عشان احكيلك واحضنك في قلبي لاقتك مش موجوده . السرير فاضي . انت مش في الاوضة . طيب احكي لمين . مين الي هيسمع بابا . انت كنت السند والحب . البيت من غيرك ضلمة.عارفه ياماريناانا بقت أخاف . اخاف من البيت . بقت أخاف اقعد لوحدي . بس كل ماخاف . ادخل اوضتك . واقفل علي نفسي . وانام علي سريرك وافكر فيكي . انام مرتاح . انام وانا بحلم بيكي يابنتي . بنتي مارينا . انا مستنيكي . اوعى تزعلي مني ان سبت لحظة واحدة من غيرى ما اخدك فى حضنى اوعدك طول ما انا عايش مش هسيبك تبعدى عن حضنى . نفسي اتقطع بعدك مش عارف اتنفسمش عارف أقوم من مكاني . دهري اتقسم . مش كنتى بتقوللى ماتخفش يابابا وراك رجالة . قلبي موجوع يامارينا . والعلاج هو انتي . خايف اموت من غير ما الحق اشوفك واملى عينى منك واخدك فى حضنى من تانى .انا بموت كل يوم عشان انت مش في البيتمش عايز اروح البيتالبيت ضلمة من غيرك . اتكسرت من بعدك عنيعارفه يامارينا لو انا خايف اموت قبل ما اشوفك تانى . بس انا فعلا ميت من غيرك . قلبي تاه مش لاقيه . سامحني يا بنتى . ارجعلي . ارجعلي عشان قلبي يرجع تاني . ارجعلي ياملاك الطاهر

منقول من الفيسبوك

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play