طليقة الموظف المنتحر تكشف مفاجاة مش أنا السبب

5 شهر
December 26, 2021, 2:54 pm
تابع عبر تطبيق google news google news google news

طليقة الموظف المنتحر تكشف مفاجاة مش أنا السبب

قالت نشوى عبد الفتاح، طليقة الموظف نور عاشور الذي انتحر بعد تعسف مدير شركته معه لكثرة دخوله الحمام، إنها ليست سبب ضغطه النفسي الذي أدى لانتحاره.

وكشفت نشوى لـ فيتو التفاصيل قائلة: انفصلنا أنا ونور من ٦ شهور بعد عشرة ١٤ سنة ما كناش متفاهمين ما خلعتوش أنا عملاله إبراء على الورق ومعايا قسيمة طلاقي ولما روحنا للمأذون علشان ننفصل روحنا ماسكين إيدين بعض أنا وهو والأولاد رجعنا البيت بعدها اتعشينا سوا وكان نعم الأخ والصديق والزوج .

وتابعت نشوى: أنا مش سبب انتحاره ابدا ولا سببتله أي ضغط نفسي ضغوطه كلها كانت بسبب شغله وديونه .

خلافات الموظف المنتحر مع المدير

وأوضحت: نور عاشور كان يواجه خلافات مع مدير الشركة، والكل بيقول لي إن المكان اللي شغال فيه مقبرة، وبيفضلوا يعصروا في الموظف علشان تحقيق الأرقام .وأضافت روشان البغدادي، زميلته في العمل: لما وصلت الشغل كان لسه زميلي واقع على دماغه، وأنا مش قادرة أتخطى هذا المشهد .

وقالت البغدادي: زميلي كان عايز ينزل على دماغه عشان يتأكد من وفاته ، مشيرة إلى أن هناك تعسفًا من المديرين بالشركة، متابعة: المهم عندهم تحقيق التارجت دون مراعاة للعاملين بالشركة .

وتابعت زميلة الموظف المنتحر بمقر عمله: عمري ما شفت نظام كروت للتهديد بالرفت عشان أدخل الحمام .

أعلى راتب في الشركة

واستطردت: لما وصلت الشركة كان لسه واقع وجسمه متكسر وكان لسه بيتنفس، ولكن الدم كان بينزف من رأسه ومحدش لحقه ، مضيفة: الشركة يعمل بها الآلاف وهي عالمية وأعلى راتب لا يتجاوز الـ4000 جنيه

مديونيات الموظف المنتحر

وتابعت: للأسف نور عاشور موِّت نفسه علشان مديونيات بـ15 ألف جنيه ومشاكل في الشركة .

وأضافت روشان البغدادي: زميلي كان مشتري أجهزة كهربائية لبيته وكان مستني يقبض البونص عشان يسدد مديونيته البالغة 15 ألف جنيه ، لافتة إلى أن أقصى مرتب في الشركة لموظف الكول سنتر الذي يجد الإنجليزية بطلاقة يبلغ 4000 جنيه.

هذا الخبر منقول من : موقع فيتو

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play