شيرين توضح في حوارها مع صاحبة السعادة خوفها الوحيد بعد حلاقتها لشعرها

4 شهر
January 1, 2022, 11:35 am
تابع عبر تطبيق google news google news google news

شيرين توضح في حوارها مع صاحبة السعادة خوفها الوحيد بعد حلاقتها لشعرها

علقت الفنانة شيرين عبد الوهاب، على سبب الشجن الذي يحمله صوتها في الغناء، وقالت: السبب أن صوتي عتيق، أنا بقيت بعرف قيمة نفسي خلاص، أتدفيت في حضن الناس اللي بتحبني، كالعادة ربنا يخليكو ليا .

وأضافت خلال لقائها مع الإعلامية إسعاد يونس، ببرنامج صاحبة السعادة الذي يذاع على قناة dmc : بعد حفلة دبي، متخيلتش أن ده اللي هيحصل، كنت ببص في عيون الناس علشان أرصد أي لحظة استغراب من اللي عملته في شعري، لاقيت أنهم منبهرين بيا، ولا كأني حلقت شعري .

وقالت: بعد ما خلصت مكالمة محاربي السرطان، قولت إيه اللي انا فيه؟ أنا معنديش حاجة، كنت خايفة من البنات، كنت خايفة البنات تتعقد، الخضة دي عدت، البنات طلعت عيال مكحرتين وعيال بيفهموا وبيقدروا ومش هيقلدوا، مش كل واحدة تتخانق مع جوزها تروح تحلق شعرها، وإحنا قولنا بقى أن الموضوع مش خناقة .وقالت شيرين وهي تبكي: ” صعب أوي اللي أنا فيه مش قادرة اتحمل، انا تعبت في العلاقة دي اوي لاني اصريت على حاجة مستحيلة”.

وتابعت شيرين” انا بحب الغنا جدا ونفسي اساعد الناس كلها ونفسي ادي لكل الاطفال اللي مش لاقي لبن، بس أنا بقيت شحاتة ومحتاجة معونة”.

وعن خطة اعمالها الفترة القادمة، قالت شيرين: “هعمل ٣ أفلام في السنة، عندي مشروع فانتازيا لرمضان، بس اما مزاجي يتعدل لاني اتأثرت باللي حصل”.

في وقت سابق، فاجئت الفنانة شيرين عبد الوهاب، الجميع بعد أن ظهرت “حليقة الشعر” في الحفل الغنائي الذي أحيته بمدينة أبو ظبي الإماراتية.

وظهرت شيرين عبد الوهاب لأول مرة بعد إعلان طلاقها من الفنان حسام حبيب.

كما وجهت الفنانة شيرين عبد الوهاب، رسالة إلى النجمة أصالة على المسرح قائلة “أتحدى أصالة مش هتقدر تعمل كده”، مشيرة إلى رأسها وأنها قامت بحلق شعرها.

وقالت شيرين عبد الوهاب “أتمنى أنكم تقبلوني بشكلي دا، بس أنتم عارفين أني كدة فوقت

نقلا عن: اليوم السابع

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play