كيرلس يستغيث استغاثة عاجلة من اجل شقيقة بيتر ويقول بيتر مش ارهابي

4 شهر
January 16, 2022, 5:40 pm
تابع عبر تطبيق google news google news google news

كيرلس يستغيث استغاثة عاجلة من اجل شقيقة بيتر ويقول بيتر مش ارهابي

يارب يارب انت اكتر واحد عارف ان انا تعبت انت اكتر واحد حاسس بألمي و تعبي انا تعبان جدا جدا من غير اخويا يا ريس بيتر مظلوم و معملش حاجه بيتر مش ارهابي و لو لينا حق عند حد احنا مش عايزينه و لو غلطانين فاحنا اسفين

بيتر انهاردة بقاله اكتر من ٣٠٠ يوم محبوس ظلم علي ذمة القضيةم رقم ٦٥ حصر أمن دولة عليا و الحقيقة احنا مش عارفين نهاية الموضوع ده ايه احنا عاوزينه يطلع مش اكتر من كده

انا في وقت من الأوقات مكانش ينفع اني اكتب عن بيتر بشكل او بآخر و ابويا قالي متكتبش عنه تاني و لما عرف اني راكب دماغي و لسه بكتب عنه و لما سألني تاني لسه بتناقش معاه قام مديني بالقلم علي وشي ساعتها جسمي كله سخن و عينيا حمرت جدا و غضبت غضب رهيب و سبت الشغل و قعدت امشي في الشارع و اكلم نفسي زي المجنون و اقول لنفسي و انا بعيط احنا عملنا ايه يارب لكل ده و بعدها روحت البيت و ابويا كان متضايق جدا انه عمل كده و قالي متزعلش انا خايف عليكم وبعدها بمدة فضلت اعمل عبيط عالفيس و انزل حاجات تضحك و قولت يمكن ده يساعده في انه يطلع لكن للأسف مطلعش ابويا مش حمل بهدلة يا جدعان ارجوكم افرجوا عن بيتر ده اغلب من الغلب نفسه وحشتني اووي يا بيتر بجد. مش عارف اعيش من غيرك يارب يكون الخبر ده صح و يارب ياريس تسمع صوتنا ياريس و نشوف بيتر .ايه احساس واحد زيي و هو بيشوف شباب العالم في المنتدي بيحتفلوا و مبسوطين و نفسي افرح ببلدي بس انا اخويا شاب زي الشباب دي و محبوس يارب يارب انا ماليش غيرك الحقيقة انا معرفش ممكن اكون فين بعد البوست ده لكن لو هتجرالي حاجه و اشوفك يا بيتر فأنا موافق ارجوكم يا جدعان اذكرونا في صلاتكم

#الحرية_لبيتر_نشأت_نعيم

#بيتر_نشأت_مش_إرهابي

#المحامي_بيتر_نشأت_نعيم

منقول من الفيسبوك

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play