الشاعر محمد فتحى يكتب فين المحبة و فين السلام رد يا محمد أنت و مينا

3 شهر
February 2, 2022, 3:45 pm
تابع عبر تطبيق google news google news google news

الشاعر محمد فتحى يكتب فين المحبة و فين السلام رد يا محمد أنت و مينا

( رد يا محمد أنت و مينا )

هو أيه اللى حاصل لينا رد يا محمد أنت و مينا ولا ردى أنتى يا كرستينا ياريت حد يجاوب على السؤال

فين المحبة و فين السلام ولا هو أى كلام فى أى كلام ولا فالحين دايما نقول تمام فى أى مناسبة و ندوة و أى أحتفال

كفاية ملعون أبو الفتنة اللى ناوية تخرب بيتنا تعالوا ندور على محبتنا اللى هتفضل دايما أقوى من الجبال

أوعوا تخلوا حد أبدا يفرقنا ولا تخلوا بحور الفتنة تغرقنا ولا تخلوا نارها أبدا تحرقنا سفينة المحبة مش راح تغرق محال

خلينا دايما واخدين القرار أننا واحد لغاية أخر المشوار أما اللى يفكر يمس مصر بنار هيشوف اللى ما شافه فى الخيال

أحنا أولاد الجامع و الدير إحنا أولاد ميدان التحرير إحنا اللى بننا كبير و كتير إحنا أولاد مصر أم الدنيا يا أندال

إحنا اللى كان دمنا نازف اللى مهمناش أيها ناسف صوت أنتصارنا كان عازف فى أكتوبر التاريخ أتكلم و نطق قال

بلدنا دى نجاتنا و طوقنا حبها بيجرى فى عروقنا هى تحت و ربنا فوقنا دى مصر أم الدنيا العال العال

وقت الشدة و أى تجارب قدام أى حيات و عقارب عن بلدى هفضل أحارب دى أمى و فداها دمى لو سال

كلمات كرستينا رؤوف محمد فتحى

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play