القبطى جواه محبة زايدة بقلم محمد فتحي بمناسبة عيد الحب

3 شهر
February 14, 2022, 12:31 pm
تابع عبر تطبيق google news google news google news

القبطى جواه محبة زايدة بقلم محمد فتحي بمناسبة عيد الحب

بقلم الكاتب محمد فتحي

( المسيحى جواه محبة زايدة )

على طول و بعد ما فكرت

لقيتنى بسرعة قوام أخترت

فى عيد الحب و محبة القلب

أكتب للمسيحى بعد ما قررت

المسيحى عليه حتت قلب

محليه مخليه دايما يتحب

قلب شفاف تمللى بيتشاف

أبيض و راضى عليه الرب

قلب فعلا مالوش وصف

ميعرفش أبدا غير العطف

لا له مثيل ولا حتى بديل

محبته قادرة تخطف خطف

محبة قلبه رسماها ملامحه

اللى يهينه تلاقيه بيسامحه

قلب طيب رجوعه قريب

دايما يعفى عن اللى جرحه

قلبه طيب مبيتغيرش

طفل صغير مبيكبرش

جواه محبة هواه محبة

فى المحبة مبيتأخرش

قلبه زى الملاك البريء

فى بحر المحبة غريق

كل ثانية كمان و التانية

بالمحبة راسم شط و طريق

دايما هو للمحبة عنوان

محبته مرسومة بالألوان

لا فيها رماد ولا فيها سواد

دايما بتزين فى أى مكان

المسيحى جواه محبة زايدة

شموعها تمللى و دايما قايدة

ولا بتنطفى ولا بتختفى

مهما يحصل مفيش فايدة

المحبة جواه تملا بحور

بيبنى بيها تمللى قصور

محبة دافية محبة كافية

شمعها مالى حياته بنور

كل سنة و المحبة بتضمنا

جوه فى أحضان مصر أمنا

بيتنا الكبير أبو جامع و دير

كل سنة و حب مصر بيلمنا

كل سنة و المحبة بتضمنا

جوه فى أحضان مصر أمنا

بيتنا الكبير أبو جامع و دير

كل سنة و حب مصر بيلمنا

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play