يا عدرا حلى على أوكرانيا بالسلام واثقين فيكى روحى بسرعة بقلم محمد فتحى

3 شهر
February 26, 2022, 7:06 pm
تابع عبر تطبيق google news google news google news

يا عدرا حلى على أوكرانيا بالسلام واثقين فيكى روحى بسرعة بقلم محمد فتحى

كتبت لورينا اديب

بعد انتشار الهجوم الروسى وغزو اوكرانيا وسقوط العاصمه كييف وتعاطفا مع مايحدث الان داخل اوكرانيا من القوات الروسيه نشر الكاتب محمد فتحى على مواقع التواصل الاجتماعى قصيده للسيده العذراء مريم ويقول فيها

( يا عدرا حلى على أوكرانيا بالسلام ) يا عدرا حلى على أوكرانيا بالسلام

واثقين فيكى روحى بسرعة قوام هلى و حلى و طلى و أتجلى تمللى

حوشى الدمار خلى النار بسرعة تنام يا عدرا بيناديكى شعب أوكرانيا

عارفينك مش ممكن تتأخرى ثانية

بينادوا و هما بينقادوا و بيتبادوا

ربنا الأول و أنتى بالنسبالهم التانية

قدام صورتك الجنود بتحكيلك

أمسحى دموعهم اللى بتبكيلك

قربى على الكبير و الصبى طبطبى

يا أم النور الكل هناك عمال يشكيلك

ياريت تلحقيهم قوام يا أم النور

الدم هناك خلاص بقى يملا بحور

يا طاهرة يا زهرة عايزينك ظاهرة

بينادوكى فى الشدة و فى الكسور

شمس نهارهم صبحت غروب

الدم خلاص بقى مالى الدروب

حلى عليهم ألحقيهم أرحميهم

حطى سلامك و أبعدى الحروبالحياة عندهم صبحت موت

الأطفال بتصرخ بعلو الصوت

شايفين غم و هم و دم لم يتلم

حوشى اللى عليهم محطوط

الدم خلاص مالى الأرض

أبعدى الشوك و أديهم ورد

روحيلهم شدى حيلهم أديلهم

دفا و ياريت تشيلى البرد

يا أم السلام و النور ساعديهم

ياريت تمدى أيديكى سانديهم

من الشر أنتى المفر حطى البر

على شط السلام ياريت تعديهم

ده الدم فى عينيهم بقى ألوان

ياريت تاخديهم على بر أمان

أرفعى و أنفعى و أشفعى

الكل متمنى نورك بس يبان

طبطبى عليهم بالسلام و الحب

ياريت تقوللى للدم كفاية stop

دى الهمسة اللمسة منك حارسة

بيتخلى السلام فى القلب يصب

كلمات : محمد فتحى

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play