المسيحية مبنية على الاستشهاد بكلمات محمد فتحى

2 شهر
March 2, 2022, 10:56 am
تابع عبر تطبيق google news google news google news

المسيحية مبنية على الاستشهاد بكلمات محمد فتحى

كتبت لورينا اديب

بعد الحادثة البشعه التى حدثت منذ يومين فى المنيا بقيام اشخاص مسلمين بقتل ثلاثة مسيحيين من عائله واحدة واكتشفت بعد ذلك انها بسبب ثار قديم بين العائلتين

فكتب الشاعر محمد فتحى هذه الكلمات تعليقا على الحادثة وقال

( المسيحية مبنية على الاستشهاد )

ياريت محدش يقوللى أن الحكاية حكاية تار

دى حكاية كره و غل و حقد فى قلوب من نار

محدش يقول مجنون ولا مختل ولا عقل طار

من الأخر كده و الصراحة راحة و من غير نطاحة تسمعوا كلامى يا أولاد

عن دم المسيحى ياما الواحد أتكلم و أتألم و أتندم و قال كتير قوى و عاد

كل لما أقول أن الدم أتلم و قرب يخلص ألاقيه كتر عن اللى قبليه و زاد

هو دم أى مسيحى سال

ياترى ده حرام ولا حلال

سؤال تاعبنى

سؤال مغلبنى

حد يجاوبنى

يا مين يرد على السؤال

أيه ساكتين ليه ولا محدش عنده أى أجابة هو إحنا فى دنيا ولا عايشين فى غابة

متسمعوش و مترجعوش لوشوش كدابة

دى ناس وش أجرام

شغلتها بتحلل الحرام

بتخطف حنا بتقتل أبرام

براها تبان ملايكة لكن ساكن جواها ديابة

عمال بصرخ و بحكى و ببكى و بشكى بصوت مسموع

الدم يا ناس حرام ممنوع الواحد خلاص قلبه موجوع

أمتى الفتنة فى يوم تتلم

أمتى نخلص من ده الهم

ياريت الناس اللى سمعانى

تقوللى أيه للفتنة معانى

ألا قتل الروح و الدم

يا أولاد يا أولاد يا أولاد

كل الحكاية و الرواية من البداية للنهاية

المسيحية مبنية على الاستشهاد

كلمات : محمد فتحى

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play