كنت نظير جيد في حياتك بقلم الشاعر محمد فتحي

2 شهر
March 16, 2022, 4:53 pm
تابع عبر تطبيق google news google news google news

كنت نظير جيد في حياتك بقلم الشاعر محمد فتحي

فى ذكرى نياية البابا شنودة نشر الكاتب الشاعر محمد فتحى على مواقع التواصل الاجتماعى عبر صفحته الشخصية قصيده للبابا شنودة و سرد فيها محبة قلبه له

اكتب يا قلمي و قول و حرر

البابا شنوده مستحيل يتكرر

انسان نادر كان دايما قادر

يحلي اي شئ طعمه ممرر

البابا شنوده نسيانه محال

ده حبيبنا من و احنا عيال

علي ايد أبينا كبرنا و اتربينا

كان راعي امين معلم اجيال

في وقت الشده وقت الحادث

كان في الحكمه دايما فارس

انسان عظيم كان دايما حكيم

كان علي لسانه دايما حارس

اوقات ما كان الشر كتير

اوقات ما كان الامر خطير

كانت الردود ربنا موجود

دايما كان بيقول كله للخير

كان راجل محبه و راجل سلام

كان راجل فعل مكنش اي كلام

لو تبنه انضر او طال منه الشر

كان هو اللي بيحس بمر الالام

كان اب راعى لكل المصريين

حبوه المسيحيين و المسلمين

كان بكل امانه كان بيزرع جوانا

اننا نكون واحد منكنش اتنين

كان دايما رسالته لينا

رساله واضحه و امينه

كان بيقول علي طول

مصر وطن يعيش فينا

على وشه مرسومه ابتسامه

مليانه بكل محبه و سلامه

هتفضل بسمته و ضحكتة

جوة قلوبنا سايبين علامه

في نهايه حروفي و كلماتي

على روحك يا ابينا سلاماتي

يا بابا شنوده ذكرياتك موجوده

مستحيل ينساها الماضى و الاتي

كنت نظير جيد في حياتك

بالمحبه قضيت كل اوقاتك

حبيت بلادك حبوك ولادك

يا عايش فينا بعد مماتك

كلمات : محمد فتحي

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play