الشاعر محمد فتحى يكتب يا أبونا بأيدك نورت الفانوس من الحب اللى جواك مغروس

1 شهر
March 31, 2022, 11:00 am
تابع عبر تطبيق google news google news google news

الشاعر محمد فتحى يكتب يا أبونا بأيدك نورت الفانوس من الحب اللى جواك مغروس خليت شيطان الفتنة مفروس

كتبت لورينا اديب

الشاعر محمد فتحى شاعر شاب معاصر من محافظة المنيا و اطلق عليه شمس الصعيد لمحبته الجميله و فكره المتحضر

كتب مقالات كثيرة عن الكنيسة و المحبه و الاباء فى الكنيسة و ايضا كتب عن القضية القبطية و محبة المسيحيين للمسلمين

واليوم الشاعر محمد فتحى يكتب مقاله عن

كلمات : محمد فتحى

( يا أبونا بأيدك نورت الفانوس )

يا أبونا بأيدك نورت الفانوس

من الحب اللى جواك مغروس

بجد يا روعاتك يا طيبة قلبك

خليت شيطان الفتنة مفروس

تعيش أيدك يا أبونا تعيش

اللى كشفت لنا الخفافيش

اللى مش عايزين المحبة

عشان سبوبة متساويش

وريهم المحبة يا أبونا وريهم

يا مخلى نار الفتنة تولع فيهم

عاش أبونا الغالى رمز المحبة

أديهم دروس ياريت تديهم

علق الفانوس يا أبونا علق

خلى المحبة تطير و تحلق

كل اللى غيران من محبتك

فى ناره عمال يطق و يفلق

يا أبونا الفانوس منك خجلان





لما شاف نورك اللى ظهر و بان

دى المحبة اللى ظهرت منك

جننت الحية و غلبت التعبان

أيدك اللى ماسكة الحبال

فى المحبة تستاهل تمثال

عمالة تحل و تفك و تربط

الله يا أبونا على الجمال

يا أبونا يا مثال للأنسانية

يا صافى القلب و النية

فعلا عطيتنا درس

أسمه المحبة الربانية

ده كل العالم شاف

قلبك الطيب الشفاف

الرسالة وصلت يا أبونا

أن مفيش بننا أختلاف

تعيش لنا دايما فالخير

يا راجل يا بركة يا أمير

تسلم لينا يا غالى علينا

على المحبة و التعبير

فى كلماتى اللى كاتبها

رسالة رايحة لصاحبها

ياريت تكون وصلت له

بحروفى اللى بيهيبها

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play