هل تعرف ان في معجزة تانى غير نقل جبل المقطم اسمها نقل المياه

1 شهر
April 6, 2022, 11:30 am
تابع عبر تطبيق google news google news google news

هل تعرف ان في معجزة تانى غير نقل جبل المقطم اسمها نقل المياه

الله يتمجد فى قدسيه

دير القديسه دميانه مرتبط بقصة كتير مايعرفهاش بالرغم من التشابه الكبير بينها و بين معجزة نقل جبل المقطم

بعد استشهاد الاميره دميانه و الاربعين عذراء و بعد تولى الامبراطور قسطنطين الملك جاءت امه الملكة الباره هيلانه لمصر

و شيدت كنيسة للشهيده دميانه و تحت الكنيسة وضعت جسد الشهيدة و اجساد الاربعين عذراء الشهيدات

ماذا حدث للكنيسة فى عهد الخليفه سنان

بعد فترة من الزمن و فى عهد الخليفه سنان كان فى شخص دجال مشهور باعمال السحر اسمه يونس

و هو متجه ناحيه الزعفرانه شاف كنيسة و دير القديسه دميانه فحب المكان و جاب بنايين و هدم الكنيسة

و بنى فوقها قصر لكنه ماكانش يعرف ان تحتها قبو فيه اجساد القدسيين الشهداء القديسة دميانه و الاربعين عذراء

و فى الوقت ده حصل طوفان و نزلت المياه فى المنطقه غرقت و هدمت المبانى و هدمت القصر

اللى بناه يونس مكان الكنيسة و مات غريق و المياه وصلت لحد حائط كنيسة سمنود

الخبر وصل للخليفة بان كل البلاد اللى فى المنطقه غرقت فحزن جدا لان المنطقه

دى كان بيتزرع فيها الزعفران و حشائش عطريه غاليه جدا





و كان فى القلعه الملكية شخص يهودى اشار للملك انه يلزم بطريرك الاقباط أنة يشوف حل لمشكلته

وكان وقتها البابا خائيل الاول ال 46

استدعى الخليفة البابا خائيل الاول و طلب منه يرد المياه و يعمل الجسر اللى كان بيحجزها فطلب البطرك مهلة من الملك

وخرج من عنده و اتجه لكنيسه السيدة العذراء مريم المعلقه و قفل على نفسه 3 ايام بلياليها فى صوم و صلاه بحراره

و فى اليوم الثالث كلمته العدرا فى رجل قديس بسيط جدا شايل على راسه مشنه و بيبيع تفاح و الراجل ده

هو اللى على يده تتم المعجزة

و فعلا تم كلام السيدة العذراء مريم كما اراد الرب يسوع المسيح وفى طريقه شاف التفاحى فمشى

معاه لحد ما وصل للخليفة و اتجه مع البطرك لكنيسة سمنود

الى اليوم و من هناك بدات المياه تهرب من امامهم لحد وصولهم لمنطقة الزعفران ووادى السيسبان عند القصر المهدوم

و الذى تحته جسد القديسه دميانه و الاربعين شهيده و هناك بدا البطريرك يرفع ايده و يصلى والشعب وراه و استمرت المياه فى الهروب

و هبت رياح شديده و خرجت رمال و هيات جسر

و بعدها امر الخليفه ببناء الكنيسة مره اخرى على نفقته الخاصه اما البابا نزل قبر القديسه دميانة

اللى كان تحت القصر اللى غرق فوجد جسدها و اجساد العذارى الاربعين لم يمسسها فساد

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play