تابع عبر تطبيق

كتب هاني يوسف

ذبح ابونا ارسانيوس وديد

علقت الاعلامية القبطية دينا عبد الكريم علي واقعة ذبح ابونا ارسانيوس وديد كاهن كنيسة السيدة العذراء وماربولس بالإسكندرية

تصريح الاعلامية دينا عبد الكريم علي واقعة ذبح ابونا ارسانيوس

وكتبت منشور عبر صفحتها الرسمية علي مواقع التواصل الاجتماعي الفيسبوك قائلة : ف المواقف الانسانية الصعبة بيكون الكلام أحيانًا اضعف الادوات لكن يبقى السؤال مفتاح لتوجيه مشاعرنا وأفكارنا وتوجيه غضبنا للعدو الحقيقى اللى هيقوللى العدو هو الخسيس الجبان اللى بنحاربه من سنين وانتصرنا عليه رغم ان لسه فيه ذيول وتابعين للافاعى الكبار .

.هأقوله انت صح وغضبك متوجه صح .واللى هيصدق انه مستضعف ف بلده وأنه مستباح يبقى بيحقق نجاح كبير لعدوه!! ف الوقت الصعب لينا عند بلدنا سؤالين كبار :١- دولة القانون ؛تابع واسأل وشوف الاجراءات القانونية من مصدرها الصح مش من اخبار مغلوطة وتسميات مستفزة

.والقانون لم يوصف قاتل ابونا ارسانيوس انه مختل ، وصفه انه متهم بجريمة واضحة .وقبله تم اعدام كل متورط ف جريمة قتل مصرى على أرض مصرية على الاقل ف ال٥ سنين اللى فاتت

.٢- منابع الفكر ؛تابع وحاسب واسأل ، ليه الناس دى بتفكر بجهالة كده ، بلدى بتعمل ايه وبتتعامل ازاى مع اللى بيحرض واللى بيشحن واللى بيغذى التطرف.اذا لقيت بلدك تختار تحارب اصعب حرب وبتواجه عدو خفى وعدو ظاهر وعدو مستغل، يبقى احنا بنتحرك ف سكتنا صح.مافيش حاجة ف الدنيا أغلى من نقطة دم سالت وأحنا المصريين اللى دفعنا كثير علشان كده اللى لينا ف بلدنا كثير