الشاعر محمد فتحى يعلق على واقعه كشرى التحرير و ينشر صورة الطفلة

1 شهر
April 13, 2022, 2:17 pm
تابع عبر تطبيق google news google news google news

الشاعر محمد فتحى يعلق على واقعه كشرى التحرير و ينشر صورة الطفلة

بعد الواقعه المؤسفة التى حدثت داخل مطعم كشرى التحرير بمنع اسرة مسيحية من تناول الطعام

الا بعد اذان المغرب استاء المسلمين قبل المسيحيين من هذة الواقعة و بالاخص بوجود طفلة صغيرة

جائعه و احد العاملين يمنعها من تناول الطعام الا بعد الاذان

و كتب الشاعر محمد فتحى كلمات رائعه عن استيائه و اسفه لهذة الواقعه قائلا

حقك عليا يا بنتى انتى و والدتك دى الطفله اللى اتمنعت هى و اسرتها من وجبة الكشرى

على السريع كده بقى ورزقي على الله ، انا عن نفسي الحمد لله بصوم رمضان

بس مش معنى كده اني اجبر و افرض على الى حواليا انهم يصوموا زى ما انا صايم ،

اللى حواليا ان كانوا مش بياكلوا قدامى ده اسمه احترام منهم، مش فرض عليهم

انا لما بصوم بصوم لربنا مش للبشر ،بس الصوم يا سيدي انت و هو مش صيام اكل ،و شرب فقط





ده صوم جسد وروح وافعال او بمعني اصح اللي منع الطفلة و والدتها عن وجبه الكشرى

اكيد كان فاطر مليون الميه

اوعي تفكر ان ربنا راضي عن اللي انت عملته و لا فرحان بيك مثلا

انت متعلمش مثلا ان كان ممكن تكون والدتها مريضه و ماشيه على علاج والعلاج ده متقدرش

تاخده مثلا غير بعد الاكل والبنت مثلا

لو السيده مثلا اتحملت الجوع ومسكت نفسها احترام لينا الطفلة البريئه دى هتتحمل ازاى

هل انت تعرف هن ماكلوش من امتى مثلا او ظروفهن ايه و قوللي بقي انت فاتح ليه

لما مش هتبيع وبعدين ليه تجبر غيرك علي شئ مش مفروض عليه

الصوم لله ،الصوم رحمه ، الصوم عباده ،الصوم امانه ،الصوم لربنا ،الصوم للنفس

#اللى_عايز_التغيير_يقاطع_كشرى_التحرير

احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play