تابع كل جديد تطبيق جوجل نيوز

بلاش تعرف كفتة المطاعم بتتعمل من إيه خطر يهدد حياتك

كتب: إبراهيم الخطيب

يوم تلو الآخر تخرج منشورات على مواقع التواصل الاجتماعي، تحذر من أكل المطاعم، فبعد موجة الجمبري الكداب والذي تداول أنه مسموم ويسبب مشاكل صحية، خرجت علينا اليوم اعترافات مثيرة أحدثت ضجة كبيرة لشخص قيل إنه كبابجي متقاعد .

اعتراف كبابجي متقاعد

منشور اعتراف الكبابجي، انتشر كالنار في الهشيم وصار حديث الملايين خلال الساعات الماضية، فما كشفه الرجل مثل صدمة كبيرة لكثيرين خاصة ما يتعلق بأنواع اللحوم المستخدمة في صناعة الكفتة حتى في أفخم وأرقى المطاعم.

وجاء نص المنشور المتداول على نواقع التواصل الاجتماعي كالآتي: النهاردة وأنا قاعد على البحر قابلت راجل كبير محترم اتعرفت عليه وطلع صاحب محل كبابجي من 35 سنة وحاليا ولاده كل واحد عنده محل والدنيا تمام، المهم سألته يا حاج ايه حكايه الكفته وإزاي اعرف الكفته الحلوة من الكفتة المضروبة؟.

كل الكفتة مضروبة

وأضاف، كل الكفته بره البيت مضروبه حتى اكبر محلات الكباب في مصر بتشتري من مصدر واحد، هناك فيه معامل تحت السلم بتعمل اكياس 10 كيلو كفته يبدا من 30 جنيه للكيلو لغايه 100 جنيه للكيلو.

وتابع المنشور، فرحت وقلت له تمام يبقى المحلات الكبيره بتشتري افضل حاجه ابو 100 جنيه، رد علي وقال لي بلاش تعرف المعامل دي بتعمل الكفته من ايه ابو 30 بيحطوا حتى دهن على كل كيلو وابوه 100 ممكن يحطوا ذيل ولا عظم مفروم، اما الباقي ده مش لحمه اصلا ولا بقري ولا جاموسي ولا ضاني.

اوعى تشترى من بره

واستطرد على لسان الكبابجي، قائلا، أنا خايف من ربنا قوي يا عالم من أكل من عندي و مات ولا عاش، تصدق يا بني مرة عملت كفته نظيفه لحم ودهن من الجزار طبيعي عارف النتيجه بعت 15 كيلو، رجع منهم حوالي 12 كيلو بيقولوا وحشة وفيها حاجه غلط الظاهر اننا تعودنا على البلاوي والميكروب.

واسترسل، يا بيه كل اللي بيشتري كفته وحواوشي ابو خمسه جنيه عارف، وزيد عليهم اللي بيروحوا يدفع 450 جنيه في كيلو كفته، وفاهم انه كده امان بالعكس ابو 450 نفس المصدر، ويزود على الكيلو حتى دهن ابو ليله عشان يقولك ضاني.

واختتم، امال ليه بيبيعوا بـ 400 جنيه الكيلو، منظره الايجار والديكور والأغاني على حسابك هو مش فيه كوباية شاي بخمسه جنيه وكوبايه شاي بـ 100 جنيه.

هل تصدق تصريحات الكبابجي عن الكفته؟ شاركنا رأيك في التعليقات اسفل الموضوع