شيماء سيف , هاجمت فجر السعيد الإعلامية الكويتية الفنانة المصرية بسبب إجرائها لعملية تكميم المعدة بسبب فقدان الوزن حيث ثأكدت على أنها بالنسبة لها قد فقدت جاذبيتها الكوميدية .
هجوم فجر السعيد على شيماء سيف
وقامت الإعلامية الكويتية بنشر منشور لها على موقع التواصل الإجتماعى فيس بوك و على خاصية القصص على موقع التواصل الإجتماعى إنستجرام صورة خاصة بالنجمة المصرية أثناء لقائها مع الإعلامية ياسمين عز فى برنامج كلام الناس و قد علقت على هذه الصورة قائلة شيـماء سيـف ضعفت و بقا دمها تقيل و كانت الأول تقتلني ضحك و دلوقتي بتكسر خاطري خسارة عليها لقد خسرنا نجمة كوميديا .
سبب فقدان الفنانة شيماء سيف لوزنها
من جانب آخر كانت قد كشفت الفنانة في تصريحات لها من خلال لقائها مع الإعلامية ياسمين عز عن سبب فقدانها الوزن حيث قالت عملت عملية تكميم و كانت قد خسرت 50 كيلو مرة واحدة وأكملت قائلة أنا عارفة ان الناس كلها هتزعل منى علشان أنا صاحبة مقولة أنا ليه أعمل رجيم و أنا قدامى مكرونة بشاميل و شيكولاتة بس أنا الوقت دة كان الحمد الله صحتى بقت كويسة .
و أكملت تصريحاتها قائلة أنا صحيت فى يوم من غير سابق إنذار السنة اللى فاتت و أنا مش قادرة أتنى رجلى و لا كنت قادرة أطلع سلالم وكلمت الدكتور و كان عندى تصوير و قالى أنتي لازم تعملى أشعة و طلع في الأشعة أن لازم أغير مفاصل و دي كانت صدمة بالنسبالى
و اللى خدت بالها أن أنا تعبانة و بعيط الفنانة يسرا و أول ماهي قالتلى مالك أنا انهرت من العياط و هي اقترحت عليا نروح للدكتور تانى وروحنا للدكتور تانى و هو طمنى أنى مش محتاجة عملية الحمد الله
بس قالي إن لازم أخس ووزني ينزل .
