هاني رمزي , رد الفنان على الشائعة المنتشرة والمتعلقة بأختفائه قسريا وهجرته إلى دولة كندا بطريقة ساخرة قائلا أنا حاليا مختفي في الساحل الشمالي واللي بيقول الشائعة دي عالم عمالة تهري وخلاص .
الأختفاء القسري لـ هاني رمزي
وأضاف الفنان في تصريحات له من خلال مداخلة هاتفية في برنامج على مسئوليتي الذي يذاع على فضائية صدى البلد و يقدمه الإعلامي أحمد موسى قائلا أنا كنت بشوف مسرحية و أتفاجئت بالشائعات اللي منتشرة على قنوات الإخوان ضدي وأن أنا مختفي قسريا وبعدها هاجرت لكندا وهذا كله غير صحيح .
و أكمل الفنان تصريحاته على الهواء قائلا أحنا فعلا مسافرين كندا يوم 30 من شهر سبتمبر علشان نخدم إخواتنا المحتاجين جوه مصر وقبل كندا هنروح على أمريكا ومعايا الفنانة نيللي كريم .
شائعة هجرة هاني رمزي
و أشار في كلامه قائلا انا إزاي هسيب مصر وأختفي وليه هتنكر هو أيه الكلام العبيط ده الكلام ده كدب و المفروض يبقى ليه أي أساس لكن في الكلام ده حتى مفيش أساس وأنا مش ممكن أسيب وطني اللي عملني .
و أكمل قائلا أنا مفكرتش أن أسيب مصر وأهاجر إلى أمريكا إلا لما الإخوان حكموا في البلد ووقتها أخدت إجراءات وقدمت علي الإقامة في أمريكا وكنت في الوقت ده بقدم برنامج وفيه بهاجم الإخوان ووقتها تم تهديدي أنهم هيغتالوني وحرقوا العمارة بتاعتنا و حرقوا مكتب أبويا بالقضايا اللي فيه كلها ووقتها بس فكرت في الهجرة .
عمل فني جديد
و أكمل الفنان تصريحاته على الهواء قائلا فخر وشرف لينا إننا كنا جزء من ثورة 30 يونيو وأنا في الوقت الحالي أستعد إلى عمل فني جديد ودلوقتي بنكتب مشروع لفيلم كوميدي و بيتكلم عن السوشيال ميديا وبحضر أيضا لمسرح وأتعاقدت على مسرحية مع الأستاذ محمد فوزي .