السيسي , صرح رئيس الجمهورية قائلا أن قطاع الاتصالات لديه فرصة حقيقية من أجل النمو في بلدنا في ظل الظروف التي نمر بها والتحول الجيو سياسي و كل ده محتاج مننا كمجتمع وكوزارة التعليم العالي و أيضا وزارة التربية والتعليم نشتغل ونحط إيدينا في إيد بعض كل مؤسسات الدولة المختلفة و كافة أجهزتها مع رؤية وزارة الإتصالات التي تستهدف تحقيق 10 مليارات دولار في 2026 .
الرئيس السيسي يتحدث عن مراكز الاتصالات
وأضاف الرئيس في تصريحاته من خلال مؤتمر حكاية وطن قائلا أنا النهاردة بيخش عندي شابات وشباب في الكلي و بيقعد فيها 4 سنين لو الـ4 سنين دول الشاب إقتنع إنه ممكن يقضيهم في المنشآت و في مراكز التدريب الخاصة في وزارة الإتصالات وفي التعليم المتعلق بالأتصالات هيخرج منها وهو عنده فرصة عمل علشان التعليم التقليدي اللي هو بيتعلمه دلوقتي مش هيتيح ليه فرصة عمل .
قطاع الاتصالات
و أكمل الرئيس قائلا إحنا بندور على شباب وشابات في المجتمع يكونوا قادرين على تلبية مطالب وزير الإتصالات التي متعلقة بتكنولوجيا المعلومات والذكاء الإصطناعي و هل السوق العالمي قادر أنه يلبي و يستوعب كل اللي تقدمه بلا شك لغاية مليون فرصة عمل في السنة الواحدة و أنا بقى عندي مشكلة في الخريجين بتوعي اللي هم بيتخرجوا من الجامعة ومش عارف أوفر ليهم فرصة عمل وحياة مناسبة ليهم في ظل مشاكل كتير من اللي عندنا وأحنا عندنا قطاع الإتصالات اللي ممكن ينمو 30% ومنستغلهوش أحنا لازم نستغل فرصة الاتصالات .
السيسي يعلن عن 1.5 مليون فرصة عمل بقطاع الإتصالات
وأكمل الرئيس قائلا إحنا نفضل شايلين الهم ومتضايقين ونفضل نفكر إزاي نقنع ولادنا وبناتنا علشان يروحوا للاتجاه الصح إزاي أنت داخل كلية الآداب والتقدير عالي وأيضا كلية الحقوق والتجارة وبرغم كده فرص العمل فيها مش كتير وأنت عندك قطاع مستنيك لو قضيت فيه الـ4 سنين في مجال الاتصالات هتلاقي فرصة عمل بأرقام كبيرة .