القس جوناثان رفعت , أوقات كتير بنشعر أننا في حالة يأس و عندنا إحساس بالاكتئاب من غير أي سبب ولكن السبب الوحيد هو أن مفيش حاجة يتغير ولكننا لم ننظر إلى ما في أيدينا من نعم كثيرة عندما تزول سوف نندم عليها ” هذا هو ما اوضحه كاهن كنيسة العذراء مريم والأنبا تكلا في العبور العبور .
القس جوناثان رفعت
وكتب كاهن كنيسة السيدة العذراء ” في حاجات كتير بكره هتعرف قيمتها .
والحاجات اللي أنت زهقان منها النهارده بكرة أول ماتروح منك ساعتها بس هتعرف قيمتها .
هيجي وقت وتعرف قيمه رقم والدتك (اللي كانت بترن عليك كل شويه وتقولك طمني عليك و ماتتاخرش وانت فين ) ووقتها بتبقي زهقان من كتر المكالمات وممكن تكنسل عليها وبكره ممكن يجي و تتمني تسمع رنه واحده منها وماتلاقيهاش ساعتها بس هتعرف قيمه خوفها عليك .
كلمات مؤثرة من القس جوناثان رفعت
هيجي وقت وتعرف قيمه صوت زعيق والدك فيك وهو بيقولك ذاكر يا ابني أنا عاوزك كويس وانت من جواك تقول ياعم ارحمني منك شويه بكره هتعرف قيمه وجود ابوك اللي كان بيحبك وعاوزك كويس .
وهتعرف قيمه البيت اللي كنت قاعد فيه ودلوقتي قاعد زهقان منه ومش عاوز تروح وهتعرف قيمه وجود العيلة ودفاها وان يبقي ليك حد ياخد بحسك وإن ليك اخوات وعيلة تقعدد في وسطهم .
حاجات هتعرف قيمتها
بكره هتعرفوا قيمه أولادكم اللي أنتوا دلوقتي بتشتكوا منهم و تعبينكوا وانتوا عمالين كل شوية تكسروا فيهم وتحبطوهم بكلام ومقارنات بينهم وبين غيرهم .
بكره هتعرف قيمه صوت الكنيسه وجرسها وهو بيضرب وأنت بتسمعه وتطنشه .
هتعرف قيمه الاجتماع اللي انت مش بترضى تروحه ولا تواظب عليه .