باسم يوسف , دافع الإعلامي الشهير عن النجم المصري العالمي محمد صلاح بعد دعمه للقضية الفلسطينية عندما قام بنشر مقطع فيديو يوم أمس وحقق الفيديو تفاعل غير مسبوق .
باسم يوسف يوجه رسالة قوية
وقام الإعلامي بنشر صورة له مع اللاعب الدولي محمد صلاح وعلق عليها قائلا تحديث للناس اللي قرت البوست لو أنت مقريتش معلش إقرا البوست الأول وبعدين إرجع هنا تاني إنتم مش عارفين الدنيا في العالم برة و العالم العربي كانت مشحونة إزاي و قد إيه صورة تانية خاااااالص غير الصورة اللي واصلة للعالم العربي .
وتابع قائلا الرواية المتصدرة كانت رواية مرعبة وكان من المستحيل أن يتم الدفاع عنها تحت أي مسمى لدرجة إن مجرد التعاطف مع حتى المدنيين في حد ذاته هي تساوي إنك موافق على ذبح الأطفال و أنا شخصيا كنت صدقت وعلشان كده عملت الفيديو إياه بتاع الصورة اللي هنا في الغرب فاكرين الفيديو ؟ إنزلوا الصفحة و دوروا عليه و الناس كانت بتهاجمني وتقولي إزاي تصدق كده أنا بقول تاني إنتم مش عارفين الصورة هنا عاملة إزاي و إيه في إنجلترا الصورة مشحونة إحترمت أمريكا ومحمد صلاح لو كان طلع وقال الرسالة اللي قالها في الفيديو اللي مش عاجب الناس ده كان زمانه اندبح .
باسم يوسف يدافع عن محمد صلاح
وأضاف الإعلامي قائلا طب إشمعنى أنت يا باسم عملت كده أنا بقول والله دي مخاطرتي وده كان قراري وأنا مش عارف ظروف الناس إيه وكتير وكتير قوي عدى عليا في أوقات وسكت علشان برضة الظروف قوية و قوية قوي اللي بيمر بظروف صعبة بيقدر كدة
و اللي بيتفرج من بعيد بيبقا سهل يزايد لو أنت عملت حاجة عظيمة وضحيت يبقا برافو عليك و أنت عظيم و انت ملهم لكن لو أنت فعلا مريت بالتجربة أنت من جواك عمرك ما هتقدر تفرضها على أي حد يا أخي ده حتى في الإنجيل أنت بتناجي ربنا وبتدعيه وتقوله ولا تدخلنا في التجربة مش بتقول ونجينا من التجربة لا بنقول بلاش تدخلنا خالص علشان إحنا ضعاف و إحنا صغيرين أوي أوي الواحد بيعمل الحاجة دي عشان يرضي نفسه مش عشان بس يتنطط بيها على خلق الله .
وتابع الإعلامي قائلا أنا شوفت الصورة دي في كذا صفحة مع تعليق عليها محمد صلاح متصور مع فخر العرب و ده غير بوستات كتير تانية بتقارن بين لقائي مع الفيديو بتاع محمد صلاح أو ناس بتقلل و ناس بتهمش وبتتريق على فيديو صلاح .
