حلمي بكر , صرحت منذ قليل عضو مجلس نقابة المــهن الموسيقية الفنانة القديرة نــادية مصطفى أن الموسيقار الكبير ليس فقط قيــمة وقاامة فنية عظــيمة ولكنه بالنسبة لها هو عشرة عمر و أنها بعتبره أبوها و أخوها وصديق عائلتها و أكملت قائلة هو طول عمره كان بيدعمها و هي تدين له بالفضل .
مرض حلمي بكر
وأضافت في تصريحاتها في برنامج كلمة أخيرة الذي تقدمه الإعلامية لميس الحديدي ويذاع على قناة أون أنه في فترة تعبه الأولى في المستشفى أنا كنت بزوره وبطمئن عليه لحد لما خرج وبقى زي الفل و رجع على بيته في حدائق الأهرام علشان وقتها كان منفصل عن زوجته وبعد كده عرفت إنه رجع تاني زوجته .
و أكملت أنها عرضت عليه يروح المستشفى وهو رفض وقالها لو خرجت من البيت مش هعرف أدخله تاني .
فقدان الذاكرة وتدهور حالته
وتابعت قائلة ذاكرته راحت و أنا لما حسيت إنه هو مبقاش يركز في أيامه الأخيرة وإنه كان بيقول كلام غريب قولت للفنان مصطفى كامل و كلنا اتفقنا معاه إننا ننقله مستشفى القوات المسلحة وهو وافق و لما تواصلت مع زوجته هي قالتلنا أن هو خلاص جاله أمر علاج على نفقة الدولة و أنا أتفاجئت إنها خدته عند مامتها في البلد و إتصلت بيها أكتر من مرة وهي مش بترد عليا وكل ده علشان إحنا عايزين نطمئن عليه ويكون فيه رعاية صحية أفضل ليه وده كان أول صدام بينه وبين زوجته .
نادية مصطفى تبكي بسبب حالة حلمي بكر
وأكملت وهي باكية قائلة هو مش قادر يتحرك من مكانه ومفيش في إيديا حاجة أعملها و أنا كل لما أتصل بزوجته هي مش بترد وكنت هتجنن و تواصلت مع ناس قريبين منه ولقيت واحد قريب من مامتها وصعب عليهم الموسيقار علشان كان بيتعامل معاملة فيها إهانة و أنا جسمي كله بيتنفض علشان الأستاذ بالنسبة ليا هو أبويا وأخويا و هو صديقي أنا وكنت بفتح التلاجة في بيته وأنا ميهنش عليا أبدا إنه يتهان في أيامه الأخيرة وآخر مرة أنا شوفته كان من شهر و زوجته مش سامحة ليا إن أنا أروح وهي بترفض الزيارة وبتعامله معاملة وحشة .