كهربا , علق نجم النادي الأهلي على سداد الغرامة التي هي موقعة عليه إلى صالح نادي الزمالك بقرار من ( فيفا ) الإتحاد الدولي لكرة القدم .
تصريحات اللاعب محمود كهربا
و قال نجم الفريق الأحمر في تصريحات تلفزيونية له موضوع الغرامة أنا كنت هطول فيه شوية و كنت هقعد سنتين تاني و رئيس نادي الزمالك كابتن حسين لبيب شخصية محترمه و أحنا قربنا المسافات و ربنا اللي سدد في الوقت المناسب .
و أضاف قائلا إحنا كرجالة بنعرف إننا نجيب الفلوس و أنا قولت أشتري نفسي و مكنتش هدفع و كنت هكمل كورة كده و كنت هسيب الموضوع يطول شوية في المحكمة و بعد كده أعتزل علشان الموضوع ده أنا مظلوم فيه و مفيش حد ليه حق عندي و أنا في ناس ساعدتني في دفع الغرامة علشان الناس بتحب النادي الأهلي أوي و كمان بيحبوني أوي علشان أن دايما بطبيعتي و راضي.
كهربا يتحدث عن علاقته بنجيب ساويرس
و ختم نجم النادي الأهلي تصريحاته قائلا نجيب ساويرس ده حبيبي بس مش لازم كل الناس تعرف و أنا دفعت 70% و ربنا هيكرمني تاني و الغرامة موجعتنيش وكانوا 76 مليون و اللي كان بيطلع يتكلم عليا كان برنامجه كله مبني على كهر با علشان بس يطلع مش أكتر .
رسالة لاعب الأهلي للغندور
و وجه لاعب النادي الأهلي في تصريحاته رسالة إلى الإعلامي الرياضي خالد الغندور حيث قال ربنا يهديه و أنا مش حزين من إنتقاده ليا و في تفاصيل تانية وهو كان على طول بيطلع يقول إن أنا هتوقف ومش هلعب كورة تاني .