تامر أمين , علق الإعلامي على المولود التاسع لـ المطرب الشعبى رضا البحراوي والذي كان قد أطلق عليه إسم ريان في البداية قدم له التهنئة .
تامر أمين يعلق على الطفل التاسع للبحراوي
وقال الإعلامي في تصريحات له على الهواء من خلال برنامجه آخر النهار الذي يذاع على قناة النهار قائلا أولا أنا بقول ألف مبروك يا رضا ويارب يفرحك بذريتك وقبل ما أنا أتكلم ربنا يزيد ويبارك وبقولك ربنا يديلك الصحة و بسم الله ما شاء الله بس أنا كلامي ده لرضا وكل رضا أنا بس عاوز أسأل سؤال مش كتير علينا إحنا .
رسالة تامر أمين لرضا البحراوي
وأضاف الإعلامي قائلا أنا عارف أنت هتقولي وإنت مالك و هو إنت اللي هتصرف عليى أبني و تربيه بس أنا هقولك ربنا يقدرك و يارب تطلعه من أحسن الناس بس هو كتير على مصر و علينا وكلامي مش لرضا بس أنا كلامي لكل الناس اللي زي رضا و فاتحة باب الخلفة ع البحري كده كتير علينا .
و أكمل قائلا أن الجهاز المركزي للتعبئة العامة كان قد أعلن عن وجود مولود جديد في مصر بمرور كل 14 ثانية وهو ما يعني 4 مواليد خلال الدقيقة الواحدة وتابع قائلا لو 4 مواليد في دقيقة عاوزين 4 أماكن في مدارس وزيهم لا قدر الله لو تعبوا في المستشفيات وبرضه في المواصلات عاوزين 4 أماكن وضيف على كده دعم وبطاقات التموين و وجود شقق و أيضا فرص العمل .
رضا البحراوي يكشف سبب إنجابه كثيرا
وفي وقت سابق كان قد صرح رضا البحراوي عن إنجابه الكثير من الأبناء قائلا أنه يحب العزوة وقال له الإعلامي أنت ممكن تاخد عزوتك من أهلك ومن أصحابك ومن أولادك بس كفاية أثنين أو حتى ثلاثة أو أربعة، بس تسعة كده كتيير ورضا لسه شاب يعني لو كمل على كده مش هنلاحق .