معاذ عليان , قام سعيد فايز المحامى والباحث المعروف و أيضا الحاصل علي الدكتوراة من جامعة الإسكندرية و هو أيضا مهتم بحقوق الأقليات الدينية بتوجيه رسالة نارية رسالة لمعاذ بشأن معجزة السيدة العذراء مع المهندس عادل فايز حيث قال :
رسالة لـ معاذ عليان
قال سعيد فايز ردا على هجوم معااذ على المعجزة أنه رافض لفكرة المعجزة وهو يرى أنها مجرد نصب و تلاعب و نصب و كدب وأكمل قائلا هو حر ودي قناعته وعلشان كلامي يبقى واضح أنا شخصي و لا مع ولا ضد المعجزة علشان أنا إقتناعي الشخصي أن المعجزة خاصة بالإنسان اللذي حدثت معه .
يعني عم عادل ده كان مشلول ودلوقتي الحمد لله مشي سواء بمعجزة أو بالعلاج أو بمكنة ياباني المهم أنه مشي و ألف مبروك يا عم عادل فايز أنا كشخصي مش مستفيد حاجة شخصية .
المشكله دلوقتي في فهم الناس اللي هما داخلين ومصممين على قياس الإيمان المسيحي بأفكار الإيمان الإسلامي و أنا بقوله شكرا جدا علشان أنت خليت المسيحيين يتأكدوا أن في إختلاف بين العقيدتين المسيحية والإسلامية .
محامي شهير لـ معاذ عليان أقعد مع مسيحي وشوف هيقولك إيه
و أكمل قائلا أنا بقوله أقعد مع مسيحي و قوله كلمني عن عمل ربنا في حياتك وشوف هو هييقولك مواقف أد أيه و أحداث كتير قدر فيها أنه يشوف الحماية الإلهية و إيد الله بتسنده
وختم قائلا أنا برجع و بقول وبأكد بعيد عن غضب البعض من فكرة المعجزة مش من ظهورات ولا من ميت يقوم ولكن فكرة المعجزة هي حالة المشاركة من السماء والأختبار اللي بيحصل لكل مؤمن علشان يعاين يد الله وهي تعمل في حياته .