لطفي لبيب , قال الفنان القدير إحنا اليومين دول بنعيش في عصر شبيه ببشتكة الدومينو وأحنا بنعيش عصر البشتكة .
الفنان لطفي لبيب نعيش في عصر البشتكة
وأضاف الفنان الكبير من خلال تصريحات تليفزيونية له على قناة المحور قائلا أحنا بنعيش عصر البشتكة علشان الدنيا كلها بتتغير و كمان المناخ و أيضا الإقتصاد بيتغير و حتى الجغرافيا بتتغير بس التاريخ هو اللي عمره ما يتغير .
لطفي لبيب على الهواء أنا زعلان من الكوكب
وتابع الفنان القدير تصريحاته قائلا أنا زعلان من الكوكب علشان هو عامل مشاكل في بحر الصين و عامل مشاكل في مضيق المندب كمان في السودان و في النيجر و حتى في أوكرانيا و طبعا اللي في غزة دي حكاية تانية لوحدها .
وواصل الفنان القدير تصيريحاته على الهواء قائلا ربنا مش بيغضب على حد أبدا على ناسه ولو الناس قد أفسدت في الأرض يبقا هما اللي بيتحملوا مسئولية الفساد و ربنا مش بيقدم الا كل خير فأنا مش عارف ايه اللي بيحصل في البشتكة اللي عماله تحصل دي.
و أشار الفنان القدير في تصريحاته قائلا أنا قطرة من بحر و أنا مش عارف فين الميناء بتاعته و أحنا كلنا دلوقتي بنفتقد الرؤية ومحدش فينا عنده الرؤية المستقبلية و أحنا مش عارفين في ايه بكرة و المتغيرات كتيرة جدا بس أحنا لازم نكون واثقين جدا ان أحنا هنعدي بقوة و أي حرب كانت حصلت في مصر لازم يحصل بعدها رخاء .
في وقت سابق كان قد تحدث الفنان الكبير عن آخر أعماله حيث أعلن عن تواجده في أول أيام تصوير في فيلم نور الريس بطولة الفنان مصطفى كامل .
الفنان يكشف عن أمنيته
وفى حديثه قال الفنان القدير إن أمنيته فى العام الجديد هي أن يتوحد كلا من الشرق مع الغرب و أن تتم الإنتخابات الليبيىه بخير و أيضا أن تنتهي الحرب التي هي قائمة فى السودان بالإضافة إلى إنتهاء الحرب المستمرة في قطاع غزة و من أجل أن يتوقف القصف الإسرائيلي المتواصل وتمني الفنان القدير أيضا أن يسود السلام العربي والعالمي في العام الجديد 2024.