زينة , كشفت الفنانة عن أسرار جديدة في حياتها : ” وقالت في بداية تصريحاتها على الهواء أنا تعبت أوي على تربية ولادي من وهمَّ صغيرين ،وده بعيد عن إنهم أصلا متعبين، بس البهدلة معاهم خصوصا في فكرة المرض بتبقى مشكلة صعبة “.
مشكلة الفنانة زينة مع أبنائها
وتابعت الفنانة تصريحاتها وهي مازحة في لقائها في برنامج “مساء دي إم سي” الذي يذاع على قناة دي إم سي و تقدمه الإعلامية إيمان الحصري “إحنا في البيت كل واحد من ولادي ليه أوضة علشان لما يتعب ما يعديش أخوه التاني ، و أنا من ذكائي الشديد إن لما حد بيعيى منهم بنومه جنبي ، وبعدين بروح أنا أخد الدور أنا كمان “.
زينة تكشف عن عيديتها لأولادها
واشارت الفنانة في تصريحانها : ” قائلة أهم حاجة مع ولادي إن أنا لبديهم عيدية ، وماما بتديني أنا وبتجيلهم ، وأنا بديل ولاد أختي وأختي برضه بتدي لولادي ، و لازم كل أقاربي أيضا يديلهم عيدية، والجديد في الموضوع إن في والد حد من أصحابهم بدء يديلهم عيدية و أول ما دخلوا بيها أنا أتضايقت وقولت لهم أنتوا ليه خدتوا من حد غريب ، بس لقيت مامت صحابهم كلمتني علشان تعدي موقف العيدية ، ولقيت نفسي أنا بعمل نفس اللي أمي بتعمله معايا”.
كيف تتعامل مع أولادها
وكشفت الفنانة عن تعاملاتها مع أولادها قائلة في تصريحاتها : “أنا بتعامل مع ولادي بشكل حديث علشان في الوقت ده أنا لازم أكون حضن ليهم علشان ما يبقاش في أي حضن ليهم برة البيت ، ولازم أكون أنا سرهم مش اي حد تاني وبحاول أكون قريبة منهم علشان كده أنا دايما بحتويهم”.