حسن شاكوش , أعلنت ريم طارق الزوجة السابقة لمطرب المهرجانات شاكوش عن إنتهاء الخلافات التي كانت قد نشبت بين الطرفين في الشهور الماضية.
طليقة حسن شاكوش تعلن إنتهاء الخلافات
وقالت ريم طارق في تصريحاتها من خلال فيديو حصري لقناة هي في برنامج دعوة فرح الذي تقدمه الإعلامية فرح شعبان ويذاع على شاشة قناة هي قائلة الحمدلله أنا أخدت كل حقوقي الشرعية منه والحمدلله إن هو طلع شخص كويس.
و أنا كمان شخص كويس و هو راجل محترم وكل اللي كان حصل بينا ده كان سوء تفاهم وتدخل لأكتر من طرف وأي حد كانت سيرته جت في الموضوع سواء كان حد من أهله أو حد من اهلي أو مامته فهما حقهم كلهم على راسي وكل شئ قسمة ونصيب .
طيقة حسن شاكوش تكشف سبب سجودها في حفل زفافهما
و في وقت سابق كانت ريم طارق طليقة مطرب المهرجانات قد كشفت عن سبب سجودها في حفل زفافهما وهذا الموقف الذي كان قد آثار الكثير من الجدل على مواقع التواصل الإجتماعي وقتها.
وعرضها أيضا إلى الكثير من الإنتقادات أثناء تواجدها في أحدي البرامج التليفزيونة حيث قالت مكنش في صحفيين في القاعة غير أنا والدتي ووالدي ومنسقة الحفل.
وأنا معرفش الصورة طلعت برا القاعة إزاي ومكنتش طلبت من حد أنه يصورني أنا وقتهاعملت حاجة تلقائية هتريحني وكنت بتمنى من ربنا يجعل الحياة أنها تكون خير بعد زواجي .
تريند ريم طارق
وأكملت ريم طارق قائلة أنا مقصدتش أعمل تريند ولا هو كان طلب مني كدة و هو مكنش موجود وقتها أصلا أنا عملت الحركة دي علشان أنا كنت متوترة و الحركة دي كانت هتريحني و أنا كنت متخيلة علشان أنا مريت بحياة وحشة قبل كدة أن حياتي وقفت بس لما ربنا بعتلي حد وهدخل حياة جديدة و كنت هخلف وفي لسة حياة فأنا حبيت أشكر ربنا وده ملوش علاقة بيه خالص .