ياسمين عبد العزيز , كشفت الفنانة عن كواليس مشهد صعب كانت قد صورته في أحد أفلامها التي رفضت أن تكشف عن إسمه .
موقف صعب تعرضت له ياسمين عبد العزيز
وقالت الفنانة في تصريحات لها من خلال الجزء الثاني من حلقتها مع الإعلامية الكبيرة إسعاد يونس في برنامج صاحبة السعادة إنها كانت تحب أن تقوم بتصوير المشاهد حتى المشاهد الخطر منها بنفسها ولا تحب أن تستعين بدوبلير إلى أن تعرضت إلى موقف صعب خلال تصوير أحد المشاهد .
و تابعت قائلة أنا كنت بصور فيلم مبحبوش و المفروض إنهم هيرفعوني بالحبل و أنا أنط و فجأة تالبل ده إتقطع و أنا نزلت على وشي وكان ساعتهاا كلي دم و انا من بعدها قررت إن أنا معملش الحاجات دي تاني وبعد العملية أنا بقيت بخاف على نفسي أوي .
أسباب عملية ياسمين عبد العزيز
وقالت االفنانة في تصريحاتها من خلال حلقتها مع الإعلامية إسعاد يونس أنا عملت العملية علشان أشيل الأكياس علشان أحمل و بعد ماا عملنا مسلسل اللي ملوش كبير أنا إتفقت مع أحمد إن أنا أحمل و إن يكون عندنا طفل و أنا لما دخلت العملية حصلت لي غلطة بس ربنا كتبلي عمر جديد .
و أكملت قائلة أنا ساعات بنسى اللي حصل بس برجع أفكر نفسي تاني باللي أنا مريت بيه و بدخل نفسي في المود اللي أنا كنت حساه وأفتكر مرة تانية شكلي لما أنا كنت تعبانة علشان أرجع مرة تانية و أفوق وده كان أكبر موقف صعب مر عليا .
تفاصيل ماتعرضت له الفنانة
و إستكملت الفنانة قائلة أنا قعدت في السرير 4 شهور وسافرت لوحدي و وقتها كان معايا بنتي بس و انا حسيت إن ربنا عاوز يوصلي حاجة بعد ما أنا عملت مسلسل كان مكسر الدنيا و شهرة وكل حاجة بس أاناا حسيت إن ربنا عاوز يقولي إن هو بس اللي باقيلي .
و أكملت قائلة أنا عملت 6 عمليات جوه مصر عملت 4 وبرا مصر عملت 2 وكنت دايما بحس إن ربنا عاوز يقولي أنتي ملكيش غيري و من بعد الموقف دا أنا قربت من ربنا أوي ومبقاش في حد يفرق معايا غير إن ربنا ميزعلش منى .