الأهلي , وجه اللاعب أحمد نبيل كوكا لاعب وسط النادي رسالة مؤثرة إلى والده الراحل والذي كان قد توفي منذ عدة أيام كما نشر اللاعب آخر صورة لوالده الراحل قبل وفاته .
لاعب الأهلي ينشر آخر صورة لوالده
وعلق اللاعب أحمد نبيل كوكا على صفحته الرسمية على موقع التواصل الإجتماعي فيس بوك قائلا دي اخر صورة ل أبويا في ليلة الجمعة الساعة ٣ الفجر اليوم اللى هو أتوفى فيه كان قاعد لوحدة برة وكان بيتصور فى البيت .
وأضاف كوكا قاائلا كان عارف حبيب قلبى إن هو ده آخر يوم ليه فى البيت ده أنا كنت جوة يا بابا نايم كنت تقولى علشان أجي أتصور معاك فى آخر صورة ليك عمره ما كان بيتصور لوحدة كده و الله هو إتصور وساب الضحكة اللى فى الصورة دى علشان إحنا نشوفها ونتأكد إن هو رايح الجنة .
رسالة لاعب الأهلي لوالده
وتابع كوكا قائلا والله والله والله أبويا ودعنا و إحنا بنغسلة بنفس الضحكة دي اللى فى الصورة و كان نفسى تشوف كمية الناس يا بابا اللى كانت كلها موجودة علشان أنا عارف انك عارف الناس بتحبك كل الناس كانت بتدعيلك والله و كانت زعلانه عليك .
و أكمل اللاعب قائلا ربنا يقدرنى يارب فى كل اللى جاى و أقدر أعمل كل الحاجات الحلوه اللى أنت كنت بتعملها و الخير و مساعدة الناس اللى كنت أنت بتعملها و جالنا يا حبيبى بشرة الصبح إنك أنت مبسوط عندك ونفسى نجيلك انا و أمى و كل إخواتى فى اسرع وقت
ربنا يجمعنا بيك على خير يابابا حلمك أنا مكمل فيه والله وكل حاجه كانت بتفرحك هعملها على أكمل وجه و ربنا يرحمك ويغفر ليك ويدخلك فسيح جناته والفردوس الأعلى من جناتة و أشوفك على خير يا بابا سلام ياراجل ياطيب .