حبيبة الشماع , كشفت والدة الفتاة ضحية سائق الأوبر المتهم بمحاولة إختطافها عن تفاصيل وكواليس جديدة في الحادث حيث قالت مفيش أي تحسن في حالتها و درجة الإفاقة ضعيفة .
أسرة حبيبة الشماع ترد على بيان أوبر
وعلقت والدة الفتاة على بيان أوبر الذي صدر مساء أمس قائلة لسه فاكرين ! بعد إسبوع و كمان بيقولوا أي حاجة هم مش عارفين يكشفوا على الكباتن اللي عندهم و مش عارفين يعملوا عليهم كنترول و حزن إيه وأسى إيه اللي هما بيعبروا عنه هما مش حاسين باللي إحنا فيه و بعد أسبوع حسبي الله ونعم الوكيل .
وردت والدة الضحية على سؤال الإعلامية لميس الحديدي في برنامجها كلمة أخيرة وهو هل تواصل أحد معكم من شركة أوبر قالت والدة الفتاة محدش كلمنا من شركة أوبر والشركة إتصلت بابن عمها في أول وقوع الحادثة وقالوله أسى وحزن والكلام ده و خلاص و هما متكلموش ولا ظهروا أصلا .
والدة حبيبة الشماع تكشف تفاصيل آخر مكالمة
و أما عن آخر المكالمات التي كانت قد وقعت بينها وبين إبنتها قالت آخر مكالمة كانت بيننا وهي بتفتح باب عربية أوبر قبل ركوبه سابعة إلا عشر دقائق .
وواصلت تصريحاتها من خلال مداخلة تليفونية في برنامج كلمة أخيرة الذي تقدمه الإعلامية لميس الحديدي ويذاع على شاشة أون من قبل ما يتم القبض عليه و أنا كنت متوقعة إنه عمل حاجة فظيعة هي اللي خوفتها هي بنت مش جامدة ومش هايفة و هي شخصيتها قوية أنا متوقعة إنه حاول يخوفها بأي سلاح وهي مش هتنط من العربية إلا لو في حاجة فظيعة كانت حصلت .
وقالت أنا توقعت ده قبل ما يتم القبض على السائق و أكيد هو عمل كارثة رعبها لحد ما هي تنط من العربية هي جامدة وبتتعامل مع كل الناس و بتتعامل مع كل الفئات على حسب طبيعتهم و لو فرضت أن هو تطاول عليها مثلا كانت هي هترد عليه و كويس لكن إنها تنط معناه إن هي إترعبت جدا وخدت قرار النط .
محاولات خطف سائق أوبر لفتاة الشروق
وواصلت والدة الفتاة الضحية تصريحاتها قائلة هو قفب الزجاج ورش برفان وهذا أمر مش طبيعي أصلا و أمر مخيف لأي حد و أما عن آخر ما قالته إبنتها قالت هي قالت لزميلتها إن بتاع أوبر كان هيخطفني وقالت ده كمان للشخص اللي أنقذها وفضل معاها لحد المستشفى علشان هي كانت فايقة بعد سقوطها.
وقالتله إن عندها شعور بالتقيؤ و إن هي أصيبت بتشنجات عنيفة و بعدين غابت عن الوعي وهو حاول يمسك لسانها بوضع إصبعه علشان متبلعش لسانها و بعدها فقدت الوعي ولم تنطق . وأكملت قائلة إن الغريب أن السواق أنهى رحلته وسحب الحساب ومشي عادي وكأن اللي إترمت من العربية دي ملوش دعوة بيها .