محمد محيي , قال الفنان في تصريحات له أنا مش رافض فكرة الزواج بالعكس أنا أحب جدًّا أني أتجوز ، بس أنا كل ما بكبر بخاف أكتر من فكرة الجواز ، و أكمل قائلا أنا خايف من الفشل في خوض هذه التجربة علشان الموضوع ده صعب جدًّا”.
أزمة محمد محيي مع الزواج
وأضاف الفنان في تصريحاته على الهواء من خلال لقائه في برنامج “حبر سري” الذي تقدمه الإعلامية أسما إبراهيم ويذاع البرنامج على قناة “القاهرة والناس”: أنا “لو هتجوز في السن ده دلوقتي يبقى أنا محتاج واحدة تفهم كل ظروفي ولازم تفهم طبيعة شغلي و كل طباعي”.
و أكمل في تصريحاته قائلا : “أحنا كل ما بنكبر بنخاف أكتر من فكرة الجواز، وأنا لما كنت صغير كان فيه مشاريع للجواز كتير ولكن كلهم فشلوا ، وأنا معنديش أي مشكلة ولا عندي عقدة من الستات ، وأنا أخيرا نويت أني أتجوز، وأتمنى أن الموضوع يكون قريب”.
محمد محيي يكشف مفاجأة عن برنامج رامز جلال
وأكمل الفنان تصريحاته حيث قال لو طلبوني في برنامج رامز جلال تااني مش هروح بس هو مش هيطلبني أن أروحله تاني علشان أنا أول مرة عملت مشكلة كبيرة علشان وقتها ما كنتش أعرف تفاصيل المقلب ، وهما قالوا لي أنه برنامج رياضي بس، وأنا مبحبش الهزار ده ولو كانوا قالوا لي من الأول أطلع مع رامز أنا ما كنتش رضيت ، و أنا وعدت إني هرجع الفلوس اللي أخدتها ، وهما يمسحوا التصوير بتاعي ومرضتش أن أعمل مشاكل ، بس بعدها أتفاجئت إن الحلقة اتعرضت و كنت متضايق من ده جدًّا ، بس أنا كنت مبسوط علشان الأطفال في عيلتي كانوا مبسوطين بيا ، و علشان كدا أنا مرجعتش الفلوس علشان عرضوا الحلقة”.
حقيقة زواجه في السر
وأكد الفنان في تصريحاته : ” أنه لم يكن هناك أي زواج سري ، بس أنا كان عندي قصة حب و كنت وصلت فيها إلى أبعد مدى ، و خلاص كنا هنرتبط وخطبت في سنة 2005 بس الموضوع مكملش” .
