البحث

فعل مشين لسائق توكتوك بالصعيد.. بقلم كيرلس فتحى

منذ 8 شهر
January 7, 2019, 7:24 pm
فعل مشين لسائق توكتوك بالصعيد.. بقلم كيرلس فتحى

 

 

 

 

وانا ماشى فى الشارع لاقيت تكتك صوته عالى جدااااا ومشغل شتايم معموله أغنيه وحاطط انوار وكشفان فى كل حته ، لسه بقول فى بالى ايه اللى مشغله بصوت عالم ده ، الناس دى مابتفهمش؟ 
أثناء وانا بقول رأيى فى سرى لاقيته كاتب جمله على التكتك من ورا كانت عامله زى الطلقه اللى ردت وجات فى صدرى قتلتنى 😂
كاتب ماحدش خد رأيك .
وكأنه عارف ان اللى بيعمله غلط ومش عاجب الناس فاقرر انه يوفر على نفسه الرد على كل واحد بيهاجمه برساله يشوفها كل واحد يفكر بس ينقده
بس انا ماسكتش بردو ، وقفته بالعافيه وفضلت اتكلم بصوت عالى عشان يسمعنى ، بقوله احترم الناس اللى ماشيه فى الشارع ماينفعش تشغل اغانى بصوت عالى وكمان كلماتها كلها شتايم
لاقيته بص ليا من تحت لفوق ومشى بالتكتك من غير ما يرد عليا بحرف حتى .
الراجل مش عاوز يستنذف طاقته ويضيع وقته الثمين فى الرد عليا وعلى كل واحد يهاجمه وكأن اللى بيعمله ده رساله ساميه لها أهداف جوهريه هاتعدل كل مشاكل البلد الأقتصاديه والصحيه والأمنيه
عنده ثقه بنفسه تقولشى واخد أوسكار أحسن تكتك
ناس كتير فى حياتنا بنقابلهم بيكونوا زى الشخص ده بالظبط ، بيتعبونا نفسياً فى النقاش وكأننا بنتكلم مع حجر لا بيسمع ولا بيفهم وفى الأخر إحنا اللى بنخرج خسرانين من المناقشه، خسرنا وقت وطاقه وثقه بالنفس
دول عندهم القدره انهم يطلعونا غلطانين كمان
فى مقوله شهيره جدا لهتلر قال فيها
لا تناقش الأحمق لأنه خبره فى حماقته
الناس دى عدم التعامل معاهم مكسب لينا بجد
انا عن نفسى بشفق عليهم لأنى بعتبرهم مرضى ضحية غرورهم
نصلى ليهم ربنا يهديهم ويصبرنا عليهم لأنهم كتير جدا 😂
بقلم/#كيرلس_فتحى
















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.