البحث

تابعنا على

العودة الى الرئيسية

تحذير هام أوعى تسلم بالأيد على أى حد ماتعرفهوش فى الشارع .... أيمن شاب عنده ٣٣ سنه تاجر فضه بيحكى قصته

منذ 2 شهر
January 11, 2019, 12:42 pm
تحذير هام أوعى تسلم بالأيد على أى حد ماتعرفهوش فى الشارع .... أيمن شاب عنده ٣٣ سنه تاجر فضه بيحكى قصته

تحذير هام أوعى تسلم بالأيد على أى حد ماتعرفهوش فى الشارع
أيمن شاب عنده ٣٣ سنه تاجر فضه بيحكى قصته
إمبارح بالليل الساعه ٣:٣٠ الفجر كنت مروح من الشغل وكان معايا شنطه فيها أوردر لازم أسلمه الصبح ، أثناء وانا ماشى عند أول الشارع بتاع منطقة الشغل لاقيت راجل عجوز قاعد على الرصيف لابس جلابيه مقطعه ، لاقيته باصص ليا جامد ومادد إيديه عشان يسلم عليا ، سلمت عليه وبص ليا بصه غريبه قوى وقالى أنت إبن موت .
سيبته ومشيت بعد ما دماغى إتقلبت ، بس قولن تلاقيه راجل مجنون ولا حاجه وبيقول أى كلام ، فضلت ماشى فى الشارع قولت بدل ما أركب أتمشى شويه الشوارع فاضيه وهاديه والواحد محتاج انه يتمشى فى هدوء زى كده ، وانا فى نص الطريق وبفكر فى كلام الراجل لاقيت حد جاى من بعيد مش قادر أحدد ملامحه بس شايف ان فى حد بعيد جاى عليا . 
انا ماكنش فى بالى حاجه عادى واحد ماشى فى الشارع مش واخد خوانه منه
الغريب فى الموضوع واللى بدأت ألاحظه بعد كام دقيقه من ملاحظتى للراجل ده ، أن كل مامشى المفروض ان الراجل صورته توضح اكتر لاننا بنقرب من بعض ، لكن اللى حصل كان العكس ، كأنه بيبعد مش بيقرب عليا
بس انا متأكد انه جاى عليا ، دعكت عينيا جامد يمكن مزغلله من تعب الشغل ولا حاجه لكن المنظر هو هو بيبعد مش بيقرب  

بصراحه خوفت جدا لأن المعروف ان الحته اللى انا ماشى فيها دى كانت منطقة حرب زمان ويقال ان فيها عفاريت
وقفت للحظه بتأمل المنظر اللى انا شايفه لاقيته حاجه غريبه حصلت الراجل ماشى وبيقرب عليا والصوره بتوضح أكتر ، راجل أسمر طويل جدا شعره طويله ، ولابس بالطو إسود واصل للأرض ، وحاطط إيديه فى جيوبه
بدأت أسمع صوت غربان كتير جاى من بعيد كانت أصواتهم مزعجه ، كل ما الراجل يقرب عليا صوت الغربان بيعلا اكتر ، لحظات وبدأوا يظهروا كانو كتير قوى ومنظمين صفوف بالعرض ورا الراجل ، كأنهم جيش وهو القائد بتاعهم ، كانت خطوة الراجل منتظمه
قلبى بدأ يدق جامد من الخوف ، حاولت أعدى الناحيه التانيه من الشارع ماقدرتش أتحرك، جسمى كله متلج ورجلى متثبته فى الأرض ومش شايلانى
وانا واقف لاقيت كلاب بتجرى عليا من بعيد وبيزوموا جامد ، الخوف زاد جداً فى قلبى ،عاوز اجرى مش عارف ، لغاية ما وقعت فى الأرض ، وحطيت وشى فى الأرض حطيت إيدى على راسى وغمضت عينيا بس فاتحها نص فاتحه أراقب بيها اللى هايحصل
لحظات وسمعت صوت الغربان قرب جامد منى وكأنهم فوق راسى ، بدأوا يقفوا عليا كنت حاسس برجليهم ومنقارهم بينغز فى جسمى
الغراب الواحد كان حجمه كبير جدا ولونه إسود سواد بيلمع ، ووزنه تقيل جدا لما بدأوا يقفوا عليا واحد ورا التانى ، حسيت بحمل شديد عليا كتم نفى وبدأت أتخنق
بقيت إترعش زى المجنون وأصرخ ، الكلاب بقيت تنهش فيا وتشدنى من هدومى
كنت حاسس ان نهايتى قربت ، ووقعت فريسه ليهم
أصواتهم كانت مزعجه ، لغاية ما لاقيت القائد بتاعهم وقف وراسه مرفوعه لفوق وفارد صدره وبكل عظمه مسك بوق كبير وأطلق منه صوت إنذار كان عالى جدا
ساعتها كل اصوات الغربان والكلاب سكتت وبعدوا عنى
قلع البالطو اللى كان لابسه وحطه عليا ، غطانى به تماماً كأنى ميت
شك صباعه وبدأ ينقط عليا دم ، كنت سامع صوت سقوط نقط دمه كأنها صوت طبل عالى جدا
وبدأ يقول
من اليوم سوف تُحتجز روحك حتى نحيا نحن بجسدك
من اليوم سيكون لنا سلطان على جسدك
منذ هذه اللحظه سنستعمر جسدك ولن نحرره حتى لحظة إحتضانك لتراب القبر
فضل يردد الكلمات دى لغاية مافقدت الوعى تماماً
بدأت أفوق تدريجى بسبب ريحه غريبه جدا شميتها
لغاية ما رجعلى الواعى بالكامل ، لاقيت نفسى واقع على الأرض وناس كتير حوليا وواحد ماسك منديل فيه ريحه حاطه على مناخيرى  
لما سألت فى إيه رد عليا واحد منهم
- احنا لاقينك واقع على الأرض وعمّال تهلوس ، انت فى حد خدرك ولا حاجه ؟
أول ماقال الكلمه دى إفتكرت الشنطه اللى فيها بضاعه لا تقل عن عشر الاف جنيه ، دورت عليها مالقتهاش
رجعت بالذاكره من اول ما خرجت من الشغل ، إفتكرت الراجل العجوز اللى سلم عليا ، كانت إيديه بتلمع وكأنه حاطط كريم فيها ريحته نفاذه جدا
ساعتها عرفت ان كل اللى كنت فيه ده هلوسه ، إتنصب عليا والخساره كانت كبيره جداااا
روحت بسرعه عملت بلاغ فى القسم وقولت كل حاجه فى المحضر لكن نسبة رجوع الحاجه واحد فى المليون
عزيزى القارىء 
إحنا كل يوم بنتعرض للتخدير من ناس حوالينا بكلامهم المُحبط السلبى ، بيسلبو به كل حماسنا وقوتنا واحلامنا وطموحاتنا ، خلى باللك من الناس اللى تدخل عليك بالسلام لكن غرضهم كسرك وخسارتك ، ماتصدقش الكلام السلبى اللى بيتقاللك زى انت فاشل ، مش هاتقدر ، ماتحاولش ، غيرك جرب وماقدرش وانت مش احسن من غيرك، الناس دى تبعد عنهم فوراً ، ماتقولش انا هافضل معاهم بس مش هاسمعلهم ، لازم لازم لازم تبعد عنهم ، حتى لو اقرب الناس ليك ، لازم تبعد عنهم بروحك ، تنفصل عنهم تماماً 
هايوهموك بخيالات مريضه من صنع أفكارهم السلبيه ، هايتسلطوا عليك ويتحكموا فيك ، هايموتك بالبطىء ، هايقضوا عليك تماماً لغاية ما يختلسوا منك قوتك وأحلامك
أوعى تسمحلهم يخدروك بكلامهم  
بقلم/#كيرلس_فتحى
شير وماتوقفهاش عندك












شارك بتعليقك
فيسبوك ()
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.