البحث

الدكتوره إللي وقفت القطار لإنقاذ رضيع من الموت

منذ 2 شهر
May 30, 2019, 6:17 pm
الدكتوره إللي وقفت القطار لإنقاذ رضيع من الموت

الدكتوره إللي وقفت القطار لإنقاذ رضيع من الموت 

 

دي الدكتوره / وسام رمزي طبيبه من أسيوط   بدأت الحكايه   لما الدكتورة "وسام" ركبت القطار من محطة قطار أسيوط متجهة إلى الإسكندرية في القطار الإسباني رقم 935   وبعد تحرك القطار من المحطة فجأه كمساري القطار و قبل محطة طنطا صرخ : "فيه دكتور هنا يا جماعة ؟؟ حالة تعبانة و محتاجين مساعدة الدكتورة وسام قامت جرى عشان تشوف فيه إيه لقت طفل عمره تقريبآ سنه و نص بيموت و مغمى عليه في حضن أمه المنهارة من العياط   بسرعه الدكتوره وسام عملت جلسة تنفس صناعى للطفل و الإسعافات الأولية لغاية ما رجع يتنفس بصورة طبيعية بس لسه مغمى عليه مفكرتش كتير عشان عارفه إن الولد في حاله خطره و أخدت القرار " لازم توقف القطار حالآ "   الإنسانيه في أعظم صورها   الدكتورة وسام طلبت من رئيس القطار يوقف القطار و طلب الإسعاف الواد بيموت و فعلآ طلب من السواق عديم الإنسانيه في اللاسلكي لكن السواق رفض و قال مينفعش أقف غير في طنطا الدكتوره بعلو صوتها لسه فاضل ساعه هيكون الولد مات الدكتوره وسام بإصرار عجيب أصرت إن القطار يقف و قدام إصرارها و تمسكها بموقفها قام رئيس القطار متصل بناظر أقرب محطة بنها عشان يجبر السواق يوقف القطار   الروعه كل الروعه   القطار وقف في بنها و كان فيه في إنتظار الطفل و أمه و الدكتوره وسام عربية إسعاف مجهزه و معاها عربية شرطة جايه تسهل الطريق كمان للطفل عشان يوصل المستشفى بسرعه و في مستشفى أطفال بنها إتكتب للولد عمر جديد و رجعت الإبتسامه لأمه و للدكتوره وسام   لسه فيها حاجات كتير حلوه أيوه لسه فيها بشر   منقول


















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.