حلمي بكر , وجه هشام نجل الموسيقار الكبير إستغاثة عاجلة بـالمستشار مرتضى منصور وذلك من أجل إنقاذ والده بعد الحالة الكبيرة من الجدل التي كانت قد أثيرت في الفترة الأخيرة بشأن إختطاف زوجة أبيه الموسيقار له وقيامها بتعذيبه .
نجل حلمي بكر يستغيث
وجاء نص رسالة الإستغاثة بالمستشار مرتضى منصور كالتالي أنا جبت التوكيل و أملي دلوقتي فيك بعد ربنا و الفيديوهات اللي نزلت عن بابا فيديوهات مقلقة جدا و أنا حاسس إن خلاص مفيش وقت و إن بابا فعلا في أيامه الأخيرة و سماح مراته ماليا الدنيا بفيديوهات كلها مضللة ومستفزة جدا و أنا خايف أسمع عن موت أبويا في يوم و يمكن كمان عن عمد أنا أتمنى إن حد يساعدني .
إستغاثة بمرتضى منصور لإنقاذ حلمي بكر
وتابع نجل اللمستشار قائلا أنا جاي مصر في أسرع وقت و هل في إمكانية إن إحنا نتحرك بالخطوات الأولى قبل ما أنا أوصل أنا في موقف صعب جدا علشان ماما كمان صحتها مش كويسة وهتعمل عملية ومراتي كمان لسة طالعة من علاج السرطان أنا مش هقدر أقعد في مصر أكثر من 5 أو 6 أيام بالكتير علشان في ناس كتيرهنا معتمدة عليا في أمريكا .
و ختم إستغاثته قائلا أتمنى إننا نقدر ننقذ أبويا في الوقت القصير ده علشان أطمن عليه و أنا لسه في مصر و أنا كنت كمان عايز أسال حضرتك لو أنت تأمرني بأي مصاريف أو أي أتعاب و أنا مستني حضرتك تقولي إيههي الخطوة الجاية وأنا معاك و شكرا جدا لمساعدتك ولك كل الإحترام والتقدير لموقفك الذي لا ينسى .