حسن شاكوش , ظهر مطرب المهرجانات على صفحته الرسمية علي موقع الصور و الفيديوهات موقع إنستجرام من خلال بث مباشر له كان قد علق فيه علي حلقته التي جائت من ضمن برنامج رامز جلال .
حسن شاكوش يعتذر للجماهير
و قال مطرب المهرجانات في فيديو له أنا عاوز أقول لجمهوري متزعلوش و حقكم عليا أنا كنت عاوز أقدم ليكم أحسن حلقه وحاجة حلوة علشان إحنا في جو شهر رمضان و أنا عاوز الناس تنبسط وقولت الناس هتبقى مبسوطة بالحلقه و أنا قولت عارف أن أنا رايح لرامز على الرغم أي حاجة هتحصل بس أنا قلوت مش مهم المهم أن الناس تنبسط .
تعليق حسن شاكوش
و إستكمل مطرب المهرجانات تصريحاته قائلا أنا اسف على اللى أنتوا شفتوه في الحلقة علشان كمان الحلقة مكملنهاش و محصلش أي نصيب و أنا كــحسن ش كنت عاوز أكمل الحلقة دي لوحدى علشان رامز نجم كبير و دي بتعتبر 3 سنة اطلع فيها مع رامز وهو شخصية محترمة وشكرا لرامز أن هو إختارني من ضمن النجوم اللى إستضافهم في برنامجه و أنا بقول لرامز جلال متزعلش مني و حقك عليا و أنا عارف أن كنت عاوز تقدم أحلى حاجة إلى جمهورك .
و أضاف في تصريحاته قائلا بس ده بيثبت للوطن العربي كله أن إنت مش بتتفق مع نجم و أحنا كنا ممكن عادي أننا نكمل الحلقة بس أننا مكملناش الحلقة في مصداقيه أن أنا مكنتش أعرف و إن أنا إتفاجئت أن في ضيف تاني معايا و الحمدلله على كل حال و كل واحد مش بياخد أكتر من نصيبه و أنا بتأسف لكل الناس اللى سمعت الفاظ مش كويسة و حتى لو مكنتش مني و ان شاء الله نتقابل في رمضان اللي جاي .