ساويرس , دافع المهندس و رجل الأعمال عن نجم المنتخب المصري و فريق نادي ليفربول الإنجليزي بعد الحملة القوية في الهجوم عليه في الفترة الأخيرة و المزاعم بإنه يدعي الإصابة .
نجيب ساويرس يدافع عن محمد صلاح
وقال المهندس ورجل الأعمال في تصريحات له من خلال مداخلة هاتفية في برنامج حضرة المواطن الذي يقدمه الكاتب الصحفي سيد علي ويذاع على قناة الحدث اليوم أنه أيام الفراعنة كان لما يجي فرعون يروح خابط في رأس الفرعون اللي قبله و يحط صورته وفيه فرعون مزور إنه هو اللي كان كسب معركة الهكسوس هناك نزعة شريرة موجودة إن إزاي الجدع اللي إسمه محمد صلاح ده نجح و إزاي طلع في ليفربول و كمان بياخد 20 مليون إسترليني والراجل دخ طول النهار عمال يبني جامع في القرية بتاعته ويتبرع لأهل فلسطين وبيعمل أعمال للخير كتير .
وطنية اللاعب محمد صلاح
و أشار رجل الأعمال قائلا أنا أعرف محمد صلاح شخصيا و هو كان بيلعب في نادي روما لما وقتها أنا كنت عندي شركة في إيطاليا و وقتها كنت بحط إعلان عنها على تيشيرتات فريقه علشانه هو و أكمل قائلا الولد ده وطني من الدرجة الأولى بس الناس يحلوا عنه .
ساويرس يعلن عن رأية في تدريب العميد للمنتخب
و أما عن إختيار العميد حسام حسن وشقيقه التؤام إبراهيم إلى قيادة منتخب مصر فقد علق رجل الإعمال قائلا مع إحترامي الشديد ليهم وأنا بحبهم جدا وشخصيتهم وطريقتهم بس أنا مش مع القرار ده في إختيارهم لتولي القيادة الفنية بس المنظومة الكروية كلها أصلا منظومة بايظة بقالها 20 ولا 30 سنة و كمان تدخلات الدولة كمان وده من المفترض يبقى موضوع شعبي و موضوع شبابي بس و المنظومة مش هتتصلح بالشكل ده هي مش قصة مدرب بس .