البحث

تامر حسنى يقدم نصائح لـ جمهوره لاستغلال أزمة كورونا..شاهد

منذ 1 شهر
April 5, 2020, 8:31 am
تامر حسنى يقدم نصائح لـ جمهوره لاستغلال أزمة كورونا..شاهد

تامر حسنى يقدم نصائح لـ جمهوره لاستغلال أزمة كوروناشاهد


دعا نجم الجيل تامر حسنى، جمهوره إلى استغلال وقت العزل المنزلى لـ الوقاية من فيروس كورونا المستجد فى التخطيط لحياتهم بصورة أفضل، ومراجعة النفس فى أى تقصير فى الأحلام أو الطموحات، مشددا على أهمية التفاؤل لتكون الحياة أفضل فى الفترة المقبلة. 


وقال تامر حسنى، عبر حسابه بموقع التواصل الاجتماعى "فيسبوك": "تيجوا نحاول نستغل وقتنا أحسن من كدا فى ظِل رغبتنا فى التَخلص من الوباء أنا شايف إنها فُرصه كمان نتخلص من أى وباء فِكرى بيطاردنا فى أى شىء فى حياتنا خطط أحسن لحياتك لنجاحك تخطيط تفخر بيه وتفرح بيه أهلك وتكون فخور قدام ولادك اللي لسه مجوش أو لو موجودين تخليهم فخورين بيك أكتر عندنا وقت كبير".

وتابع تامر حسنى : "وطبعا محدش يفكر بطريقة يا ترى أنا هعيا إمتى مش هيصيبنا إلا اللة ربنا كاتبه المهم نكون واخدين حذرنا صح وعاملين اللى علينا فنخلى عندنا شوية تفاؤل وثقة ف كرم ربنا".

وأكمل: "فكر إيه اللى مخليك مش عارف تطلع قدام، راجع نفسك فى كل تقصير وأهم تقصير اللى بينك وبين ربنا وتقصيرك فى طموحاتك وأحلامك ودراستك وبينك وبين أهلك ومراتك وأولادك أو تقصير فى شغلك أو صحتك".
"قوم اكتب لو حتى هدف واحد هتحققه الفترة دى قول أو قولي أنا قررت أخس أو أتمرن في البيت شويه أنا قررت أقوي لغتي التانيه قول أنا قررت أتخلص من أصحاب السوء وقررت أعمل أصحاب جديدة عندهم طموحات قررت أبطل تدخين أو قررت تبطل مخدرات أو تقول أنا قررت أغير عيوب فيا المُهم إنك تشوفها وتعترف بيها لأن دي أول مرحله في علاج نفسك إنك تعترف بعيوبك و ربنا يقدرنا جميعاً و نستغل وقتنا صح".
واستطرد تامر حسنى، قائلا: "ومتحسسش نفسك إن حياتك كلها أتلغت فتوقف حياتك تماماً كدا غلط لإن ربنا لو كان عايز يوقفلنا الحياه تماماً كان هو وقفها متحملش نفسك أكتر من طاقتها إن شاء الله ربنا فرجه قريب".  

هذا الخبر منقول من : مبتدأ





اشتراك في قناه جون المصرى | Youtube


















شارك بتعليقك
فيسبوك ()


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.