لقاء الخميسي , كشفت الفنانة في تصريحات لها من خلال برنامج أسرار الذي تقدمه الإعلامية أميرة بدر ويذاع على قناة المحور حيث قالت أنا كان عندي خطيئه الغضب جامد أوي من و أنا صغيرة بس هي إبتدت تقل شوية و أنا دلوقتي بحاول أسيطر علي نفسي ومن سنة و نص و أنا بقول خدي نفس طويل و لما بدأت ألعب رياضة كل الأمور بقت أحسن .
لقاء الخميسي تكشف ضرب إبنها لها
وقالت الفنانة في تصريحاتها أن أكتر لحظات غضبها كانت مع إبنها الكبير حيث قالت هو أكتر واحد ممكن إنه ينرفزني و أنا إتنرفزت عليه أكتر من مرة و أوقات كتير بكون مجنونة و أنا مبحسش بنفسي و بحدف عليه حاجات .
وقالت الفنانة في تصريحاتها إبني الكبير مد ايده عليا و أنا قعدت أعيط لمدة 3 أيام وأنا مقدرتش عليه بس صعبت عليا نفسي وبعد كدة أوسة جه و إتكلم معاه و خلاه يعتذرلي و باس راسي .
لقاء الخميسي تتحدث عن علاقتها مع زوجها عبدالمنصف
وخمت الفنانة تصريحاتها قائلة “محمد عبد المنصف عمره ما كان بيتعامل معايا بشكل عنيف و مش بيزعق و ده اللي هينقطني و هيجيبلي الجلطة أنا بس الوحيدة اللي صوتي عالي و هو وجهة نظره منطقيه إننا لما أحنا صوتنا يعلي إبننا مش هيقتنع فإحنا لازم نتكلم بهدوء
و محمد عبد المنصف هو شخص متماسك و هادي ورزين و أنا بقى شخص عكسه خالص رومانسي و إنفعالي و شخص شاعري علشان كده كذا مرة أنا أصرخ و أتجنن و في الآخر كله بينزل علي مفيش .