البحث

شاهد ما حدث مع سائق تاكسى مسيحى مشغل ترانيم ...تحب حد يتريق على القرآن !!

منذ 7 شهر
November 20, 2018, 1:12 pm
شاهد ما حدث مع سائق تاكسى مسيحى مشغل ترانيم ...تحب حد يتريق على القرآن !!

مواضيع عامة 

في اسيوط شارع كده اسمه شارع النميس، الشارع موجود فيه كنيستين ومعروف انه "شارع المسيحيين" بعد ايام التفجيرات كنت في اسيوط وفي تاكسي لقيت الست اللى راكبه ورا (التاكسيات بيركبها اكتر من واحد لو تقاطع المشوار) بتقول للسواق "بسرعة احنا داخلين عالكنيسة.مش ناقصين" عند الكنيسة التانية لقيت الداخلية قافلة شارع متقاطع كشكل من اشكال التأمين الاهبل المعتاد للداخلية فكان تعليقها "هم كده بيحموهم؟!"

في مرة تانية كنت راكب مع سواق مسيحي وكان في كائن لزج راكب معايا قرر يتريق على اللي مشغله السواق، معرفش ان كان مدرك انها ترانيم ولا لأ، لكن السواق معلقش ابدا.فضل ساكت من غير اي تعليق او ابداء للامتعاض. للأسف كانت كلمة "تحب حد يتريق على القرآن" كفيلة بخناقة متجرئش السواق انه يشترك فيها

في شارع النميس معدلات التحرش عاليه بشكل كبير بسبب انه "المسيحيات لبسهم السبب"

كان في عيلة ساكنة في آخر شارع جدي في قريتنا منقباد وفجأة عرفت انهم مشيوا لأسباب محدش صرحلي بيها لكن جدتي كان يبدو عليها الحزن لان واحدة من صديقاتها مشيت محدش قالي السبب لكن فاكر اني عرفت وقتها انهم "المسيحيين الوحيدين في الشارع"

الكلام عن حرق الكنايس في الصعيد بعد رابعة مختلف عن هنا، الاسلاميين هناك عندهم جرأة ووقاحة فريدة جدا من نوعها

في وقت ما كنت بشتري دوا لجدي من صيدلية مع اخويا المعيد بكلية الطب، الصيدلي مسيحي بعت ابنه القاهرة لأن ابنه شاطر بس كان متأكد انه مش هيتعين في الجامعة لأنه مسيحي، الاقسام اللي فيها معيدين مسيحيين عادة ما تكون موصومة من الاقسام "اللي مدخلهاش مسيحي"ابن الدكتور ده اسمه حاجة كرياكوس تقريبا، لكن دكتور ما في الشفوي قرر يسخر من اسمه وقاله "ايه دهكس ايه؟!"

 

   















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.