البحث

كيرلس فتحى يكتب سفاح وسط البلد

منذ 2 شهر
September 2, 2019, 7:10 am
كيرلس فتحى يكتب سفاح وسط البلد

حدث

كيرلس فتحى يكتب سفاح وسط البلد

بقلم كيرلس فتحى 


السنه اللى فاتت تحديداً فى شهر يناير يوم ٨ كتبت بوست على الفيس بوك ياريت اللى عنده اى طريقه للسفر يبلغنى فوراً وكنت عامل البوست ان اى حد يشوفه سواء صديق عندى او لا ونشرته فى جروبات كتير لاقيت واحد بيكلمنى وقالى انه ممكن يسفرنى ولما سألته إزاى ، قالى قابلنى على كافيه بوسط البلد يوم الأربع الموافق يوم ١٠ الساعه ٨:٣٠ بالليل وقالى انه هايلبس جاكت إسود وكاب عشان أقدر أعرفه روحت فى الميعاد بالظبط وقابلته قالى ان متاح يسفرنى لليونان ومن اليونان اسافر كام بلد تانى تبع الإتحاد الأوربى وهناك هاقدر أخد الإقامه وطلب منى ٨٠ ألف ده غير مصاريف تحضير الورق أنا بصراحه فى الأول شكيت فيه انه ممكن يطلع نصاب ده غير انى مش معايا المبلغ ده كله بس طريقة كلامه كانت مقنعه جداً ، ده غير ان معارفه كتر جداً، وده اللى شوفته من كتر الناس اللى كانوا بيقابلوه عاوزين يسافروا، وده اللى خلانى أفكر انى أثق فى كلامه خصوصاً انه طلعلى الباسبور بتاعى فى يومين عن طريق معارفه جيت يوم ٢٠ يناير ، بعد ما قررت انى اثق فى كلامه ، اتصلت به وحددت معاه ميعاد فى نفس الكافيه اللى كنا بنتقابل فيه ، وقولتله انا بصراحه مش معايا المبلغ ده وكل اللى معايا حالياً ٣٨ ألف جنيه ولكنه رفض فضلت أترجاه جامد وقولتله اكتبلك وصلات أمانه بالباقى وابعتلك الباقى لما أسافر ، ولكنه بردو رفض ، لأنه قالى الفلوس دى مش ليا دى فلوس الناس اللى هاتخرجك من البلد ، وانا مش معايا المبلغ ده أدفعهولك اليوم ده روحت البيت زعلان جداً وكنت عاوز أعمل أى حاجه أجيب بيها فلوس عشان أكمل بيها مشوار السفر تانى يوم الصبح قولت أعمل أخر محاوله معاه يمكن يلقا حل مسكت التليفون عشان أتصل به ، لكن بالصدفه لاقيته بيتصل، فتحت بسرعه ، قالى ايه ده !! انت قاعد على التليفون ولا ايه ؟؟ قولتله لسه كنت هاكلمك قالى ايه اتصرفت فى الفلوس ؟؟ قولتله لا دانا كنت هاكلمك أعمل معاك محاوله تانى انك تاخد الفلوس اللى معايا ويارب توافق قالى خلاص إبسط ياعم ، الناس وافقوا انهم ياخدوا ال ٣٨ ألف اللى معاك بشرط تبعتلهم الباقى أول ماتسافر وأنا ضامنك فرحت جدا جدا، وقولتله صدقنى هابعتهملك ولو مش مصدقنى أمضيلك على وصولات امانه وانت أكيد تقدر ترجعنى من بره لو مادفعتش الفلوس ، بس صدقنى أنا مش بكدب عليك المبلغ ده هو كل اللى حيلتى قالى ولا وصلات ولا حاجه انا واثق فيك فرحت جداً انه وافق وحسيت ان ربنا سمع لضيقى يوم ٢٥ يناير قابلته وإديته الفلوس 
وقالى يومين وهاكلمك تيجى تستلم الفيزا بتعتك عدا يومين واتصلت به لاقيته غير متاح ، فضلت احاوال مره واتنين وتلاته بردو غير متاح بدأت أقلق والشكوك دخلت قلبى لكن الأمل كان بيكدب ظنونى انه مستحيل يكون نصاب ، ده ناس كتير تعرفه ، واكيد لو نصاب مش هايبقى له المعارف دى كلها دخلت على صفحته على الفيس مالقتهاش خالص اتمسحت من على الفيس بقيت زى المجنون مش عارف أعمل ايه روحت الكافيه عشان أسأل عليه لاقيت واحد شغال هناك ولما سألته قال انه زبون جديد من شهر ، وكان بيدفع بكشيش كبير لينا ، وكان بيكلم الزباين هنا انه ممكن يسفرهم ،ووعود ناس كتير بالسفر ، ولم منهم فلوس وفجأه إختفى وماحدش عرف عنه حاجه تانى ومن ساعة ما اختفى وعلى الحال ده كل يوم يجيلنا ناس زيك كدا يسألوا عليه طبعاً ناس كتير منكم هاتقول عليا ساذج وبيضحك عليا بسرعه وإزاى أدى واحد اعرفه من وقت قصير كل اللى حيلتى طب تقول ايه للبنت اللى بتفرط فى مشاعرها مع شاب وعدها بوعود مالهاش نهايه وفرشلها الأرض ورد وهى بكل سذاجه صدقته وفى الأخر قالها أسف هو انتى فاكرها انك طالما مافرطتيش فى جسمك يبقى عادى تفرطى فى مشاعرك ؟؟ مشاعرك اللى انتى عمّاله تبعزقى فيها دى مش ملكك ، دى ملك شريك حياتك الصادق الأمين اللى أول مايحبك هايدخل البيت من الباب مش يفضل يلف عليكى من بره زى الحرامى على فكره زى ما فى لصوص مال فى كمان لصوص مشاعر الغريب بقى ان فى بعض من البنات لما يقابلوا شاب كلامه حلو ووعوده أحلى بيفتكروه هديه من ربنا هو ربنا هايبعتلك حد يحبك بدوم وجون علاقة مقدسه شرعيه بينكم؟؟؟؟؟ عزيزتى الفتاه حصنى نفسك كويس قوى لأن المجتمع مليان لصوص حافظى على نفسك عشان انتى ماتستاهليش تتجرحى مشاعرك أغلى حاجه عندك حرام تشوهيها وتكسريها مع أشباه رجال مراهقين "يَا أَوْلاَدِي، لاَ نُحِبَّ بِالْكَلاَمِ وَلاَ بِاللِّسَانِ، بَلْ بِالْعَمَلِ وَالْحَقِّ!" (1 يو 3: 18)


منقول عن الفيسبوك

 

















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.