البحث

الزعل بيموت ...جلطة الحزن بقلم د.مجدي إسحق

منذ 2 شهر
January 7, 2020, 4:59 pm
الزعل بيموت ...جلطة الحزن بقلم د.مجدي إسحق

الزعل بيموت .جلطة الحزن بقلم  د.مجدي إسحق

جلطة المخ لها أسباب عضوية كتيرة ، زي ضغط الدم المرتفع لسنين ، و ارتفاع الكولسترول و دهون الدم ، عيوب الشرايين و جلطات "نقالة من القلب"
انما المؤكد أن الحزن الشديد هو من أهم الاسباب اللي كتير مننا بينسوها و يهملوها
علمياً الزعل بيقتل المخ و يدمره الزعل بيرفع ضغط الدم و بالتالي بيضيق شرايين المخ علي المدي البعيد و القريب
كمان الزعل "يخثر" الدم، و يزود نسبة الدهون، و بكده يزود نسبة التجلط في الشرايين
الدليل علي كده ان كتير من جلطات المخ بتحصل مباشرة بعد الزعل ، بالذات الزعل "المقفول" ، اللي فيه الإنسان ما بيعرفش يدافع عن نفسه ، أو اللي بيتهان إهانة بالغة تكسر نفسيته قدام الناس
دليل كمان أن الجلطة بتبقي "رمزية" ، يعني ليها معني
كتير من الجلطات تحصل في مركز الكلام لما الإنسان بيعجز عن الرد فيصاب بالخرس، أو تحصل في مركز الحركة لما الإنسان بيعجز عن الدفاع عن نفسه
في الاول كنا فاكرين ان المرض ده بيعمل عجز نفسي بس ، يعني لما الزعل يروح الإنسان يرجع يتكلم أو يتحرك لكن مرات كتير بيبقي عضوي ، يعني بنلاقي في أشعة الرنين MRI للمخ جلطة فعلية أصابت المخ عضويا
الزعل بيشل و يخرس و يرقد الجسد بيبقي الإنسان زعلان لدرجة انه مش عاوز يعيش سليم بياخد وجعه و جرحه جواه، و و يموت نفسه قبل ما الناس تموته ، تتصور !!
الف مليون سلامة علي صديقي الغالي اللي زعل اصاب لسانه بالخرس
ربنا يشفيك يا صديقي الحبيب جدا و يشفي كل زعلان
حاسب من الزعل
و حاسب لتكون بتزعل الناس
الزعل بيموت


منقول




اشتراك في قناه جون المصرى | Youtube


















شارك بتعليقك
فيسبوك ()



اعلان مثبت

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.